තවත් පාතාලයේ ප්‍රබලයෙක් ලෙස සැලකෙන ජයලත් ද සිල්වා නොහොත් කරන්දෙණියේ සුද්දා ඇප ලබා බන්ධනාගාරයෙන් එළියට එන්නට සූදානමින් සිටින බව වාර්තා වේ.
කොස්ගොඩ සුජීගේ පාතාල කල්ලියේ ප්‍රබල ක්‍රියාකාරිකයෙක් වන ඔහු පොඩි ලැසියාගේ සමීපතමයෙක් බවද කියවේ.
හිත හොඳ දොස්තර ලෙසද කරන්දෙණිය පැත්තේ ප්‍රසිද්ධව සිටි කරන්දෙණිය බොරකන්ද රෝහලේ වෛද්‍ය ප්‍රියන්ත ජයසිංහ මහතාට 2011 වසරේදී වෙඩි තබා මරා දැමූ බවට චෝදනා එල්ල වී තිබුණේ කරන්දෙණියේ සුද්දාටය.
බුද්ධි අංශවලට මේ වන විට ලැබී ඇති තොරතුරුවලට අනුව කරන්දෙණියේ සුද්දා දැනටමත් තමාට ලද ඇප කොන්දේසි සපුරා අවසන්ය.
ඒ අනුව හෙට අනිද්දාම ඔහු හිර ගෙදරින් එළියට එනු ඇත.
බුද්ධි අංශවලට ලැබී ඇති තොරතුරුවලට අනුව ඔහු එළියට එන්නේ මෙරට රැඳී සිටින්නට නොව බෝට්ටුවක නැගී අඩුම තරමින් ඉන්දියාවටවත් පැන ගන්නට සැලසුමක් ඇතිවය.
ඔබේ ප්‍රතිචාරය කුමක්ද ?
+1
+1
+1
+1
+1
+1
+1
