ව්‍යාජ රුපියල් පන්දහසේ මුදල් නෝට්ටු 12ක් සමඟ අඹුසැමි යුවළක් අත්අඩංගුවට ගත් බව කළුතර උතුර පොලීසිය සඳහන් කරනවා.
මෙම සැකකාර යුවළ සමඟ ව්‍යාජ මුදල් නෝට්ටු මුද්‍රණයට කිරීමට යොදාගත් ප්‍රින්ටරයක් ද පොලිස් භාරයට ගෙන තිබෙනවා.
ගල්පාත ප්‍රදේශයේ පිහිටි වෙළඳසැලකට පැමිණි කාන්තාවක් ව්‍යාජ රුපියල් පන්දහසේ නෝට්ටුවක් ලබා දී භාණ්ඩ මිලදී ගෙන තිබුණා.
ඒ පිළිබඳ සැක සිතූ වෙළඳසැල් හිමිකරු පොලීසියට කරන ලද පැමිණිල්ලක් අනුවයි සැකකාර යුවළ අත්අඩංගුවට ගෙන ඇත්තේ.
පසුව එම යුවළ පදිංචි කළුතර දකුණ පොලිස් වසමේ නිවස පරික්ෂා කිරීමේ දී ඒ තුළ තිබී තවත් ව්‍යාජ රුපියල් පන්දහසේ මුදල් නෝට්ටු 11ක් සහ ඒවා මුද්‍රණය කිරීමට යොදාගත් ප්‍රින්ටරය ද සොයාගැනීමට හැකි වූ බවයි පොලිසිය පැවසුවේ.
අත්අඩංගුවට ගත් සැකකාර යුවළ හතලිස්හත් හැවිරිදි වියේ පසුවන්නන්.
සැකකාර අඹුසැමි යුවළ කළුතර මහේස්ත්‍රාත් අධිකරණය වෙත ඉදිරිපත් කිරීමට නියමිත බවයි පොලිසිය පැවසුවේ.
