මරදාන පොලිස් වසමේ පංචිකාවත්ත ප්රදේශයේ දී පසුගිය සැප්තැම්බර් මස 06 වනදා අලුයම් කාලයේ පුද්ගලයෙක් ඉලක්ක කර සිදුකළ වෙඩි තැබීමට සම්බන්ධ අයෙක් අත්අඩංගුවට ගෙන තිබෙනවා.
මෙලෙස අත්අඩංගුවට ගෙන ඇත්තේ ඇඹිලිපිටිය ප්රදේශයේ පදිංචි වයස අවුරුදු 40ක අයෙක් බවයි පොලිසිය සඳහන් කළේ.
කොළඹ උතුර කොට්ඨාස අපරාධ විමර්ශන කාර්යංශයේ නිලධාරින්ට ලද ඊයේ (04) ලැබුණු තොරතුරකට අනුව මරදාන, අබේසිංහාරාම මාර්ගයේ දී සැකකරු අත්අඩංගුවට ගෙන ඇති බවයි වාර්තා වන්නේ.
එහිදී සැකකරු සන්තකයේ තිබී අයිස් මත්ද්රව්ය ග්රෑම් 22 මිලිග්රෑම් 200ක් ද සොයාගෙන තිබෙනවා.
මොහුගෙන් සිදුකළ ප්රශ්න කිරීම්වල දී අනාවරණය කර ඇත්තේ තමා මෙම අපරාධයේ වෙඩික්කරු ලෙස කටයුතු කළ බවයි.
මෙම අපරාධය සම්බන්ධයෙන් කොළඹ උතුර කොට්ඨාස අපරාධ විමර්ශන කාර්යංශය විමර්ශනයක් ආරම්භ කර තිබූ අතර, එහිදී අපරාධයට සම්බන්ධ යතුරුපැදියේ පැදිකරු ඇතුළු සැකකරුවන් තිදෙනෙකු මීට පෙර අත්අඩංගුවට ගැනුණා.
මරදාන, පංචිකාවත්ත ප්රදේශයේ දී සැප්තැම්බර් මස 06 වනදා අලුයම් කාලයේ සිදුවූ මෙම වෙඩි තැබීමෙන් පුද්ගලයෙක් තුවාල ලැබුවා.
