විදෙස් ජාතිකයෙකුට ලිංගික අතවර කළ බව කියන 46 හැවිරිදි පුද්ගලයෙක් පොලිසිය විසින් අත්අඩංගුවට ගෙන තිබෙනවා.
ඊයේ (04) පස්වරුවේ පොල්පිතිගම පොලිසිය විසින් අදාළ සැකකරු අත්අඩංගුවට ගෙන ඇති බවයි වාර්තා වුණේ.
පසුගිය පෙබරවාරි 28 වනදා සංචාරක වීසා මත මෙරටට පැමිණ ඇති බ්රිතාන්ය ජාතිකයෙක් මෙලෙස අතවරයට ලක්ව ඇති බවයි වාර්තා වුණේ.
අත්අඩංගුවට ගැනුණු සැකකරු සහ බ්රිතාන්ය ජාතිකයා හිතවතුන් බවට පොලිස් විමර්ශණවලදී හෙළි වී තිබෙනවා.
අදාළ බ්රිතාන්ය ජාතිකයා පොල්පිතිගම, හාතිගමුව ප්රදේශයේ ඇති සැකකරුගේ නිවසට පැමිණ ඇති අතර, එම නිවස තුළ දී සැකකරු විසින් ඔහුට අතවර කර ඇති බවයි අනාවරණය වී ඇත්තේ.
අතවරයට පත්ව විදෙස් ජාතිකයා මේ සම්බන්ධයෙන් දුරකථනයෙන් පොල්පිතිගම පොලීසියට දැනුම් ද්ෆි තිබෙනවා.
එම දැනුම්දීම මත සැකකරුව ඊයේ (04) අත්අඩංගුවට ගෙන ඇති අතර, සැකකරු මහව මහේස්ත්රාත්වරයා හමුවට ඉදිරිපත් කිරීමට නියමිත බවයි වාර්තා වුණේ.
