නිල ඡන්ද දැන්වීම් පත්‍රිකා බෙදාහැරීමට විශේෂ දින තුනක්

එළඹෙන පාර්ලිමේන්තු මැතිවරණයට අදාළ නිල ඡන්ද දැන්වීම් පත්‍රිකා තැපෑලට භාරදීම මේ මස 26 වනදා සිදුකරන බව මැතිවරණ කොමිෂන් සභාව නිවේදනය කරනවා.

ඒ, අනුව ඡන්ද දැන්වීම් පත්‍රිකා බෙදාහැරිම නොවැම්බර් 07 වනදා දක්වා සිදුකරන බවයි එම කොමිෂන් සභාව සඳහන් කළේ.

එමෙන්ම නිල ඡන්ද දැන්වීම් පත්‍රිකා බෙදාහැරීම සඳහා විශේෂ දින තුනක් වෙන්කර තිබෙනවා.

මැතිවරණ කොමිෂන් සභාව සඳහන් කළේ ඔක්තෝම්බර් මස 27,31 හා නොවැම්බර් මස 03 වනදා නිල ඡන්ද දැන්වීම් පත්‍රිකා බෙදාහැරීමේ විශේෂ දින ලෙස වෙන්කර ඇති බවයි.

මේ අතර නොවැම්බර් 07 වනදායින් පසු නිල ඡන්ද දැන්වීම් පත්‍රිකා නොලැබුණු පුද්ගලයින්ට 2024 ඡන්දහිමි නාම ලේඛනයේ ලියාපදිංචි ලිපිනයට අදාළ තැපැල් කාර්යාලයට ගොස් අනන්‍යතාව තහවුරු කිරීමෙන් පසු එම නිල ඡන්ද දැන්වීම් පත්‍රිකා ලබා ගැනීමට හැකියාව පවතිනවා.