නිල්වලා ගඟේ අතුරුදන් වූ සිව්දෙනා සොයා අදත් මෙහෙයුම් (ඡායාරූප)

පිටබැද්දර ප්‍රදේශයෙන් නිල්වලා ගඟේ දියනෑමට ගිය පිරිසක් අතරින් සිව්දෙනෙකු දියේ ගසාගෙන යාමෙන් ඊයේ (26) පස්වරුවේ අතුරුදන් වුණා.

ඔවුන් සොයා පිටබැද්දර පොලිස් ස්ථානයේ නිලධාරීන් හා ප්‍රදේශවාසීන් එක්ව සිදුකරන මෙහෙයුම අද (27) දිනයේත් ක්‍රියාත්මක බවයි අප වාර්තාකරු පැවසුවේ.

දියේ ගසාගෙන යාමෙන් මෙලෙස අතුරුදන්ව ඇත්තේ දෙයියන්දර, පෝරතොට, වැලිගම බටවල සහ මුලටියන යන ප්‍රදේශවල පදිංචිව සිටි පුද්ගලයින් බවයි වාර්තා වුණේ.

ඔවුන් මිදිගම ප්‍රදේශයේ පිහිටි රබර් කර්මාන්තශාලාවක සේවය කරන අයවලුන් බවයි අනාවරණය වී ඇත්තේ.

මෙම සිව්දෙනා තවත් පිරිසක් සමඟ බීමතින් පැමිණ පිටබැද්දර ප්‍රදේශයෙන් නිල්වලා ගඟේ දියනෑමට ගොස් තිබෙනවා.

එහිදී පුද්ගලයින් පස්දෙනෙකු ජලයේ ගසාගෙන ගොස් ඇති අතර, එයින් එක් අයෙකු බේරාගැනීමට හැකිව ඇති බවයි වාර්තා වුණේ.