නිදහස්, සාධාරණ සහ විනිවිදභාවයෙන් යුත් ජනාධිපතිවරණයක් පැවැත්වීම සඳහා අදාළ සියලු ක්‍රියා පටිපාටි ක්‍රියාත්මක බව මැතිවරණ කොමිෂන් සභාව පවසනවා.
මැතිවරණ කොමිෂන් සභාවේ සභාපති ආර්.එම්.ඒ.එල්. රත්නායක නිකුත් කළ නිවේදනයක දැක්වෙන්නේ, මැතිවරණයට අදාළ ව්‍යවස්ථාමය චක්‍රලේඛ සහ උපදෙස් සඳහා නියෝග දී ඇති බවත් මාධ්‍ය මඟින් ජනතාව නිසි ලෙස දැනුවත් කර ඇති බවයි.
කෙසේ වෙතත්, ඡන්ද සලකුණු කිරීම, ඡන්ද ගණන් කිරීම, මැතිවරණ නීති බලාත්මක කිරීම, ප්‍රචාරක කටයුතු සහ අනෙකුත් පරිපාලන කටයුතු වැනි මැතිවරණ ක්‍රියාවලියේ අංශ සම්බන්ධයෙන් පුද්ගලයින් සහ සංවිධාන කිහිපයක් ප්‍රකාශ කරමින් සිටින බවට නිරීක්ෂණය වී ඇති බවයි මැතිවරණ කොමිෂන් සභාව පවසන්නේ.
එබැවින් එවැනි ප්‍රකාශ මැතිවරණ කොමිසමේ නිල නිවේදන ලෙස නොසලකන බවත්, ඒ හේතුවෙන් ඒවාට නිල වලංගු භාවයක් නොමැති බවත් සභාපතිවරයා පෙන්වා දෙනවා.
එවැනි ප්‍රකාශ ජාතික මැතිවරණ කොමිෂන් සභාව විසින් අනුමත කරන ලද ඒවා ලෙස නොසැලකිය යුතු බව ද ඔහු වැඩිදුරටත් නිවේදනය අඟින් අවධාරණය කරනවා.
