නාරම්මල දී පුද්ගලයෙකුට වෙඩි තැබීම සිද්ධිය සම්බන්ධයෙන් අත්අඩංගුවට ගත් උප පොලිස් පරීක්ෂකවරයා ඇතුළු නිලධාරීන් දෙදෙනෙකුගේ සේවය තාවකාලිකව අත්හිටුවා ඇති බව පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරී නිහාල් තල්දූව පවසනවා.
පොලිස් මාධ්‍ය ප්‍රකාශකවරයා වැඩිදුරටත් සඳහන් කළේ ඊයේ (19) දිනය සිට ක්‍රියාත්මක වන පරිදි මොවුන් දෙදෙනාගේ වැඩ තහනම් කළ බවයි.
මේ අතර මෙම සිද්ධියෙන් මියගිය ලොරි රථ රියදුරාගේ පවුලේ ඥාතීන් සඳහා ශ්‍රී ලංකා පොලීසිය විසින් රුපියල් මිලියනයක වන්දි මුදලක් ලබාදීමට කටයුතු කර තිබෙනවා.
වෙඩි තැබීමට සම්බන්ධ බව කියන සැකකාර උප පොලිස් පරීක්ෂකවරයා ලබන 23 වනදා දක්වා රක්ෂිත බන්ධාගාර ගත කිරීමට නාරම්මල මහේස්ත්‍රාත් අධිකරණය ඊයේ (19) නියෝග කළා.
ඔබේ ප්‍රතිචාරය කුමක්ද ?
+1
+1
1
+1
4
+1
+1
1
+1
+1
3
