නායයාමේ අවධානමකට ලක් වී ඇති ලිඳුල සෞඛ්ය වෛද්ය නිලධාරී කාර්යාලය, තාවකාලිකව ලිදුල ප්රාදේශීය රෝහලේ හෙදි නිල නිවාස වෙත රැගෙන යාමට විරෝධය පාමින් ලිඳුල ප්රාදේශිය රෝහලේ හෙදියන් ආරම්භ කර ඇති වැඩ වර්ජනය නීති විරෝධි බව නුවරඑළිය දිස්ත්රික් ප්රාදේශීය සෞඛ්ය වෛද්ය අධ්යක්ෂක අසේල පෙරේරා පවසනවා.
දිස්ත්රික් ප්රාදේශීය සෞඛ්ය වෛද්ය අධ්යක්ෂකවරයා ඒ බැව් කියා සිටියේ අද (11) දින නුවරඑළිය ප්රාදේශීය සෞඛ්ය වෛද්ය අධ්යක්ෂක කාර්යාලයේ මාධ්ය හමුවක් පවත්වමින්.
මෙම මාධ්යය හමුවේ දී වැඩිදුරටත් අදහස් දැක් වු දිස්ත්රික් ප්රාදේශීය සෞඛ්ය වෛද්ය අධ්යක්ෂකවරයා කියා සිටියේ ලිඳුල සෞඛ්ය වෛද්ය නිලධාරී කාර්යාලය පවත්වාගෙන යන ස්ථානය නාය යාමේ අවධානමට ලක් වීම හේතුවෙන් එම කාර්යාලය තාවකාලිකව ලිඳුල ප්රාදේශීය රෝහල වෙත ගෙන යාමට තීරණය කළ බවයි.
එහි මාස දෙකකට කලින් සිටි හෙද නිලධාරිවරියක් ස්ථාන මාරු ලබා යෑමෙන් අනතුරුව එය පාළුවට ගොස් තිබුණු නමුත්, එහි යතුර එම හෙද නිලධාරිනිය විසින් නිල වශයෙන් භාරදී තිබුණේ නැහැ.
ඉන් අනතුරුව සෞඛ්ය වෛද්ය අධ්යක්ෂකවරයා විසින් විශේෂ කණ්ඩායමක් යොදවා එම කාමර දෙක ශුද්ධ පවිත්ර කර ලබා ගැනීමට කටයුතු කර තිබෙනවා.
මේ සම්බන්ධයෙන් ලිඳුල ප්රාදේශීය රෝහලේ වෛද්ය අධ්යක්ෂක අසේල සුරංජිත් සහ ලිඳුල සෞඛ්ය වෛද්ය නිලධාරී රිෂ්නි කියා සිටියේ නිසි ක්රමවේදයන් අනුගමනය කරමින් සෞඛ්ය වෛද්ය අධ්යක්ෂවරයාගේ උපදෙස් පරිදි තමන් කටයුතු කළද එයට විරෝධය පාමින් හෙද නිලධාරීන් සිදු කරනු ලබන වැඩ වර්ජන නීති විරෝධී බවයි.
