පකිස්තානයේ ෆෙඩරල් අගනුවර වන ඉස්ලාමාබාද්හි, අවිධිමත් ජනාවාසවල ජීවත් වන ක්‍රිස්තියානි පවුල් දහස් ගණනක් පවසන්නේ බලධාරීන් පසුගිය සතියේ පදිංචිකරුවන්ට රජයේ ඉඩම්වලින් ඉවත් වන ලෙස වාචික නියෝග නිකුත් කළ බවයි.
තීරණයට එරෙහිව විරෝධතා ආරම්භ වී ඇති අතර දැනටමත් ආන්තිකකරණයට ලක් වූ ප්‍රජාවක් අවතැන් විය හැකි බවට මානව හිමිකම් උපදේශකයින් කනස්සල්ල පල කරනවා.
ඉස්ලාමාබාද් කළමනාකරණය සඳහා වගකිව යුතු නාගරික ආයතනය වන අගනුවර සංවර්ධන අධිකාරිය (CDA) විසින් මෙම අනතුරු ඇඟවීම් නිකුත් කරන ලද අතර, H-9/2 අංශයේ රිම්ෂා ජනපදය සහ G-7 අංශයේ ෂාපර් ජනපදය ඇතුළු නගරය පුරා ජනාවාස කිහිපයකට එය බලපානවා.
දශකයකට වැඩි කාලයක් එහි ජීවත් වූ අඩු ආදායම්ලාභී ක්‍රිස්තියානි පවුල් විශාල සංඛ්‍යාවක් මෙම ප්‍රදේශ දෙකෙහිම වාසය කරනවා.
මෙම නිවේදන මගින් වසර ගණනාවක් තිස්සේ ක්‍රමයෙන් ඉදිකරන ලද නිවාස අහිමි වේ යැයි බියෙන් සිටින පවුල් අතර භීතියක් ඇති කර ඇති බවයි පදිංචිකරුවන් පවසන්නේ.
ෆෙඩරල් අගනුවර වන ඉස්ලාමාබාද්හි පරිපාලන අධිකරණ බලය ද ඇති පකිස්ථාන අභ්‍යන්තර කටයුතු අමාත්‍යාංශය ප්‍රකාශ කර ඇත්තේ, දැනට ක්‍රියාත්මක වන ඉවත් කිරීමේ මෙහෙයුම කිසිදු විශේෂිත සුළුතර කණ්ඩායමකට යොමු කර නොමැති බවත්, අගනුවර පුරා නීති විරෝධී ජනාවාසවලට එරෙහි පුළුල් ක්‍රියාමාර්ගයක කොටසක් බවත්ය.
