ලොව ප්රමුඛතම ක්රීඩා භාණ්ඩ අලෙවිකරුවෙක් වන ‘නයිකි’ සමාගම රුසියාව තුළ සිය වෙළඳ කටයුතු සම්පූර්ණයෙන්ම නවතා දැමීමට තීරණය කර ඇති බව වාර්තා වනවා.
රුසියාව විසින් යුක්රේනයට එරෙහිව දියත් කෙරෙන අඛණ්ඩ යුද ප්රහාර හේතුවෙන් මෙම තීරණය ගත් බවයි ‘නයිකි’ සමාගම පවසන්නේ.
රුසියාව තුළ ‘නයිකි’ සමාගමේ අලෙවි ප්රදර්ශනාගාර දහසකට අධික සංඛ්යවක් පවතින අතර ඔවුන්ගේ මෙම තීරණයත් සමඟ එම ප්රදර්ශනාගාර තුළ රැකියාව සිදුකළ බොහෝ රුසියානුවන්ගේ රැකියාව අහිමිව යනවා.
ඇමෙරිකානු සමාගමක් වන ‘නයිකි’ සමාගමේ මෙම තීරණය සම්බන්ධයෙන් රුසියානු බලධාරීන් කිසිඳු ප්රතිචාරයක් දක්වා නොමැති බවයි විදෙස් වාර්තා පවසන්නේ.
මේ අතර රුසියානු – යුක්රේන ගැටුම් ආරම්භ වීමත් සමඟ ලොව ප්රකට සන්නාමයන් රැසක් සිය ව්යාපාර කටයුතු රුසියාව තුළ සිදු කිරීම නවතා දැමුවා.
කොකා කෝලා, මැක් ඩොනල්ඩ්ස්, ස්ටාර් බකස් වැනි ලොව ප්රකට සන්නාමයන් සිය ගණනක් එලෙස රුසියාව තුළ ව්යාපාර කටයුතු නවතා දැමූ සමාගම් අතර වනවා.
ඊට ප්රතිචාර වශයෙන් රුසියානු බලධාරී තීරණය කළේ එලෙස රුසියාව තුළ සිය වෙළෙඳ කටයුතු ප්රතික්ෂේප කරන එම සමාගම් වෙනුවට නව රුසියානු දේශීය සමාගම් ස්ථාපිත කිරීමටයි.
wpDiscuz
