අද (16) දිනයේ දී අධිකරණවල කැදවනු ලබන නඩු කටයුතුවලට පෙනී නොසිට වෘත්තිය කටයුතුවලින් ඉවත්වීමට ශ්රී ලංකා නීතීඥ සංගමයේ තීරණය කර තිබෙනවා.
නීතීඥවරයෙකුට සහ ඔහුගේ බිරිඳට අකුරේගොඩ ප්රදේශයේ පිහිටි සුපිරි වෙළඳසැලක රථගාලක දී වෙඩි තබා ඝාතනය කිරීමේ සිද්ධියට විරෝධය පා නීතීඥවරුන් මෙම තීරණය ගෙන ඇත්තේ.
ශ්රී ලංකා නීතිඥ සංගමයේ සභාපති නීතිඥ රජිව් අමරසූරිය සදහන් කළේ, සිය සංගමයේ සියලුම සාමාජිකත්වය ඊයේ (15) දින කොළඹට කැඳවා පැවැත්වූ විශේෂ සාකච්ඡාවේ දී මෙම තීරණය ගත් බවයි.
වසර 14 කට පසුවයි ශ්රී ලංකා නීතීඥ සංගමයේ සමස්ත සාමාජිකත්වයේ හදිසි රැස්වීමක් එම සංගමයේ කොළඹ මූලස්ථානයේදී පවත්වනු ලැබුවේ.
පැය එකහමාරකට ආසන්න කාලයක් පැවති එම සාකච්ඡාවෙන් අනතුරුව අකුරේගොඩදී නීතිඥවරයෙකු සහ ඔහුගේ බිරිඳ වෙඩි තබා ඝාතනය කිරීමට විරෝධය පළ කරමින් නීතීඥයින් නීතිඥ සංගමයේ මූලස්ථානයේ සිට ශ්රේෂ්ඨාධිකරණ අසලට පා ගමනින් පැමිණියා.
