හිටපු ක්රිකට් ක්රීඩකයෙකු වන ධම්මික නිරෝෂණ අම්බලන්ගොඩ, කන්ද මාවත ප්රදේශයේ දී වෙඩි තබා ඝාතනය කළ සිද්ධියට අත්අඩංගුවට ගැනුණු වෙඩික්කරු අගොස්තු 03 වනදා දක්වා රක්ෂිත බන්ධනාගාර ගතකර තිබෙනවා.
ඒ, ගාල්ල දිසා අපරාධ කොට්ඨාසය මඟින් අත්අඩංගුවට ගැනුණු 48 හැවිරිදි සැකකරු අද (19) බලපිටිය මහේස්ත්රාත් අධිකරණය හමුවට ඉදිරිපත් කිරීමෙන් අනතුරුවයි.
බලපිටිය, රන්දොබේ ප්රදේශයේ දී අයිස් මිලිගෑම් 2800ක් ද සමඟ ඊයේ (18) මෙම සැකකරු අත්අඩංගුවට ගැනුණේ අපරාධය සිදුකර දිනක් ගතවන්නට පෙරයි.
මේ අතර වෙඩි තැබීමට පැමිණි තිදෙනා වෙස්වලාගැනීමට යොදාගත් ඇදුම් කට්ටල ඇල්පිටිය කොට්ඨාස අපරාධ අංශයේ නිලධාරීන් විසින් සොයාගෙන තිබෙනවා.
මෙම ඝාතනය විදෙස් රටකින් ලැබුණු කොන්ත්රාත්තුවකට සිදුකර ඇති බවට පොලිසිය මේ වනවිට සැකපළ කරනවා.
අපරාධය පැමිණි අනෙක් සැකකරුවන් දෙදෙනා සොයා මේ වනවිට විමර්ශන ක්රියාත්මකයි.
2002 වසරේ ශ්රී ලංකා 19 පහළ ක්රිකට් කණ්ඩායමේ නායකයා ලෙස කටයුතු කළ ධම්මික නිරෝෂණ සිය නිවස ඉදිරිපිට දී වෙඩි තබා ඝාතනය කළේ පසුගිය 17 වනදා රාත්රියේ දීයි.
