රජයේ වෛද්‍ය නිලධාරීන්ගේ සංගමයේ නියෝජිතයින් සහ අග්‍රාමාත්‍ය හරිනි අමරසූරිය අතර සාකච්ඡාවක් ඊයේ (24) පස්වරුවේ පැවැත් වුණා.
වෛද්‍යවරුන් සහ සෞඛ්‍ය පද්ධතිය මුහුණ දෙන ගැටළු පිළිබඳ අග්‍රාමාත්‍ය කාර්යාලයේ දී පැවති මෙම සකච්ඡාවේ දී ආධානයට යොමුව තිබෙනවා.
යහපත් සෞඛ්‍ය සේවාවක් පවත්වා ගැනීම වෙනුවෙන් වන රජයේ වෛද්‍ය නිලධාරීන්ගේ සංගමයේ ඉදිරි සැලැස්ම අග්‍රාමාත්‍යවරිය වෙත පිළිගැන්වීම ද මෙහිදී සිදු කෙරුණා.
මේ අතර සමස්ත ලංකා වෛද්‍ය නිලධාරීන්ගේ සංගමයේ නියෝජිතයින් සහ අග්‍රාමාත්‍යවරිය අතර සාකච්ඡාවක් පවත් වුණේ ඊයේ ( 24) පස්වරුවේ දීයි.
මෙහිදි සෞඛ්‍ය සේවාව ඩිජිටල්කරණය කිරීම ඇතුළු වෛද්‍යවරුන්ගේ සහ සෞඛ්‍ය සේවාවේ පවතින ගැටළු සම්බන්ධයෙන් සමස්ත ලංකා වෛද්‍ය නිලධාරීන්ගේ සංගමයේ විධායක සභාවේ නියෝජිතයින් අග්‍රාමාත්‍යවරිය දැනුවත් කරු ලැබුවා.
එමෙන්ම රජයේ විශේෂඥ වෛද්‍යවරුන්ගේ සංගමයේ නියෝජිතයින් සහ අග්‍රාමාත්‍යවරිය අතර හමුවක් දද ඊයේ (24) පස්වරුවේ සිදුවුණේ අග්‍රාමාත්‍ය කාර්යාලයේදීයි.
මෙම හමුවේ දී රජයේ රෝහල්වල සේවය කරන විශේෂඥ වෛද්‍යවරුන් මුහුණ දෙන ගැටළු පිළිබඳව සාකච්ඡා වී තිබෙනවා.
