දෙවැනි දැරියත් කෙළෙසූ පාපතරයා පළා යද්දී අල්ලයි

13 හැවිරිදි දැරියක් දූෂණය කට පළායමින් සිටි පුද්ගලයෙක් නෝටන්බ්‍රිජ් පොලිසිය විසින් ඊයේ (30) පස්වරුවේ අත්අඩංගුවට ගෙන තිබෙනවා.

මෙලෙස අත්අඩංගුවට ගෙන ඇත්තේ 29 හැවිරිදි වියේ පසුවන නෝටන්බ්‍රිජ් ප්‍රදේශයේ ම පදිංචි අයෙක් බවයි තොරතුරු වාර්තා වුණේ.

මෙම සැකකරු මීට පෙර ද අවුරුදු 09ක දැරියක් දූෂණය කර පළාගොස් වසර 10ක පමණ කාලයක් මාවනැල්ල ප්‍රදේශයේ ව්‍යාපාරිකයෙකු ලෙස වෙස්වළාගෙන සැඟව සිටිය දී අත්අඩංගුවට ගෙන මාස 05ක කාලයක් රක්ෂිත බන්ධනාගාර සිට ඇප මත නිදහස්ව සිටි අයෙක් බවයි අනාවරණය වී ඇත්තේ.

එලෙස ඇප මත සිටි මෙම සැකකරු ඊයේ (30) උදෑසන හැටන් මහේස්ත්‍රාත් අධිකරණයේ නියෝගයක් මත පොලිසිය වෙත අත්සන් කිරීමට පැමිණ තිබෙනවා.

එලෙස පොලිසියට පැමිණ අත්සන්කර පිටව ගොස් ඇති සැකකරු ඇයගේ සොහොයුරිකගේ නිවසට ගොස් තිබෙනවා.

එහිදී සැකකරු සොහොයුරියගේ දියණියව මෙලෙස දූෂණයට ලක්කර ඇති බවයි අනාවරණය වී ඇත්තේ.

පසුව ප්‍රදේශයෙන් පළාගොස් ඇති සැකකරු සම්බන්ධයෙන් දැරියගේ මව පොලිසයට පැමිණිලි කිරීමෙන් පසු මාර්ග බාධකයක දී ඔහුව අත්අඩංගුවට ගැනීමට පොලිසියට හැකිව තිබෙනවා.

සැකකරු අතින් දූෂණය වූ බව කියන දැරිය දික්ඔය මුලික රෝහල වෙත ඇතුළත් කර ඇති බවයි වාර්තා වන්නේ.

අත්අඩංගුවට ගැනුණු සැකකරු හැටන් මහේස්ත්‍රාත් අධිකරණය වෙත ඉදිරිපත් කිරීමට නියමිතයි.