දුම්රිය ධාවනයට අදත් බාධා

දුම්රිය ධාවනයට අද (19) දිනයේත් බාධා එල්ලවන බව දුම්රිය දෙපාර්තමේන්තුව සඳහන් කරනවා.

අද දිනයේ කාර්යක්ෂමතා කඩඉම් විභාගයකට පෙනීසිටින දුම්රිය රියදුරන් පිරිසක් ද්විත්ව සේවා මුරවල නොයෙදීම සහ නිවාඩු වාර්තාකර තිබීම මීට හේතු වී තිබෙනවා.

කෙසේ වෙතත් නගරාන්තර දුම්රිය සහ දුර ගමන් සේවා දුම්රිය සැලසුම් කළ කාලසටහන් අනුව ධාවනයට උපරිම පියවර ගෙන ඇති බවයි දුම්රිය දෙපාර්තමේන්තුව සඳහන් කළේ.

මෙම කාර්යක්ෂමතා කඩඉම් විභාගය සඳහා දුම්රිය රියදුරන්ගේ සූදානම්වීම හේතුවෙන් ඊයේ (18) සහ පෙරේදා (17) යන දිනයන්වලත් දුම්රිය ධාවනයට බාධා එල්ල වී තිබුණා.