නවසීලන්තයට එරෙහිව පැවැත්වෙන දෙවැනි හා අවසන් ටෙස්ට් තරගයේ පළමු ඉනිම ක්රීඩා කරන ශ්රී ලංකා කණ්ඩායම අද (26) දිවා ආහාරයට තරගය නතර කරන විට ලකුණු පුවරුව ශක්තිමත් මට්ටමකට ගෙන ඒමට සමත් ව සිටිනවා.
කාසියේ වාසිය දිනා පළමු ව පිතිකරණය තෝරාගත් ශ්රී ලංකා කණ්ඩායමේ පළමු කඩුල්ල ලෙස පැතුම් නිස්සංක ලකුණක් ලබා සිටියදී දැවී ගියද, දෙවැනි කඩුල්ලට පිටියට පැමිණි දිනේෂ් චන්දිමාල් අනෙක් අන්තයේ සිටින දිමුත් කරුණාරත්න සමග එක් ව ප්රවේසම්කාරී ඉනිමක් ක්රීඩා කරමින් සිටිනවා.
දහවල් 12.30ට තරගය නතර කරන විට ශ්රී ලංකා පළමු ඉනිමේ ලකුණු පුවරුව දිස් වූයේ එක් කඩුල්ලක් දැවී ලකුණු 102ක් ලෙසයි.
දිනේෂ් චන්දිමාල් සිය 30 වැනි ටෙස්ට් අර්ධ ශතකය ලබාගත් අතර දිමුත් කරුණාරත්න සිය 40 වැනි අර්ධ ශතකය අබියස රැඳී සිටින්නේ ලකුණු 40ක් ලබා ගනිමින්.
දෙවැනි කඩුල්ල වෙනුවෙන් දිම්මා සහ චන්දි අතර ලකුණු 100ක සබඳතාවක් ද ගොඩනැගී තිබෙනවා.
පළමු කඩුල්ලේ අයිතිය නායක ටිම් සවුති හට හිමිවුණා.
