කඩා වැටුණු උමගක සිර වූ කම්කරුවන්ගෙන් පළමු කම්කරුවා මුදා ගැනෙයි

නවතම :- කඩා වැටුණු උමගෙහි සිරවුණු කම්කරුවන් එළියට ගැනීම මේ වනවිට ආරම්භ වී තිබෙනවා.

ඒ අනුව ඉන්දීය මාධ්‍ය වාර්තා කළේ; එහි පළමු පියවර වශයෙන් එක් කම්කරුවෙකු නිරුපද්‍රිත ව බේරාගැනීමට හැකි වූ බවයි.

තවත් 40 දෙනෙකු උමඟ තුළ සිර ව සිටින අතර, ඔවුන් ව ද මුදා ගැනීමේ මෙහෙයුම් මේ වනවිට ක්‍රියාත්මක වී තිබෙනවා.

එමෙන්ම මුදා ගැනුණු කම්කරුවා හට අවශ්‍ය හදිසි ප්‍රතිකාර ද මේ වනවිට ලබා දීමට ද කටයුතු කර ඇති බවට ද වාර්තා වනවා.

උතුරු ඉන්දියාවේ හිමාලයට නුදුරින් පිහිටා ඇති උත්තරකාන්ද් ප්‍රදේශයේ පිහිටි කඩා වැටුණු උමඟ තුළ සිර වී සිටින කම්කරුවන් පිරිසක් මුදා ගැනීමේ මෙහෙයුමේ අවසන් අදියර වෙත මේ වනවිට එරට ගලවා ගැනීමේ හමුදාව පැමිණ ඇති බවට තොරතුරු වාර්තා වනවා.

මෙම ඉදිකිරීම් කම්කරුවන් උමං මාර්ගයේ ඉදි කිරීම් කටයුතු සිදු කරමින් සිටි අවස්ථාවකදීයි මීට දින 17කට කලින් උමං බිත්ති කඩා වැටුණේ.

රොයිටර්ස් පුවත් සේවය පැවසුවේ උමඟෙහි සිරවූවන් බේරාගැනීමට තව යා යුතු දුර කිලෝමීටර් 02ක් පමණ වන බවයි.

උමග තුළ කම්කරුවන් 41 දෙනෙකු සිර වී සිටින බව ද වාර්තා වනවා.

ගලවා ගැනීමේ මෙහෙයුම් කණ්ඩායම් මේ වනවිට සියලු සුන්බුන් ඉවත් කර දමා අදාළ ස්ථානයට ළඟාවෙමින් සිටිනවා.

මුදාගැනීමේ ප්‍රයත්නයන් අධීක්‍ෂණය කරන ජාතික ආපදා කළමනාකරණ අධිකාරියේ සාමාජිකයෙකු වන Syed Ata Hasnain පැවසුවේ, ගලවාගැනීම්කරුවන් හතර දෙනෙකු බැගින් කණ්ඩායම් තුනක්, මිනිසුන් සිර වී සිටින ප්‍රදේශයට පළමු ව ඇතුළු වන බවයි.