මෙරට සිවිල් නීති පද්ධතිය තුළ ඇති ‘දික්කසාදය’ සම්බන්ධයෙන් වන නීතිමය කරුණක දී කිසියම් පුරුෂයකු හෝ ස්ත්රියක විසින් සිය දික්කසාදයට නඩුවක් ගොනු නොකර වන්දි ඉල්ලා සිටිය හැකි බව ශ්රේෂ්ඨාධිකරණය දැනුම්දී තිබෙනවා.
මෙම දැනුම්දීම අනුව නීත්යනුකූලව විවාහ වී සිටින දෙපළක් දික්කසාද වීමට යාමේ දී ඔවුන් දෙදෙනාගේ විවාහය දෙදරා යාමට බලපෑ ස්ත්රී හෝ පුරුෂ යන තුන්වැනි පාර්ශ්වයෙන්
(අනියම් තැනැත්තා) වින්දිතයා වන කාලත්රයා හට වන්දි ඉල්ලා සිටිය හැකි බවයි ශ්රේෂ්ඨාධිකරණය දැනුම්දී ඇත්තේ.
දසත අධිකරණ වාර්තාකරු පැවසුවේ ශ්රේෂ්ඨාධිකරණය විසින් නීත්යනුකූලව විවාහ වී සිටින යුවළක් විවාහයකින් කෙළවර කිරීම වෙනුවට සම – විත්තිකරුවෙකුට (අනාචාර කරන්නා – විවාහයෙන් පිටත තුන්වැනි පාර්ශ්වයට) එරෙහිව හානි පූර්ණ හිමිකම් පෑමක් සිදු කළ හැකි බවට ප්රකාශ කළ බවයි.
ශ්රේෂ්ඨාධිකරණ විනිසුරු ප්රීති පද්මන් සූරසේන, විනිසුරු අචල වෙංගප්පුලිගේ හා විනිසුරු ප්රියන්ත ප්රනාන්දු යන ත්රිපුද්ගල අධිකරණ විනිසුරු මඬුල්ල විසින් මෙම නීතිමය කරුණ දැනුම්දී තිබෙනවා.
හැටන් දිසා අධිකරණයේ සහ මහනුවර සිවිල් අභියාචනා මහාධිකරණයේ නීත්යානුකූලභාවය අභියෝගයට ලක් කරමින් සම විත්තිකරු (අනාචාර කරන්නා) ගොනු කළ අභියාචනයකට ප්රතිචාර දක්වමින් ශ්රේෂ්ඨාධිකරණය මෙම තීන්දුව ප්රකාශයට පත් කළ අතර, එහිදී බිරිඳගේ ක්රියාව නිෂ්ප්රභ කරමින් සැමියාට පක්ෂව තීන්දු ලබා දී තිබෙනවා.
ඒ අනුව අදාළ සිදුවීමට මුල් වූ සම විත්තිකරු (අනාචාරයේ හැසිරුණු තැනැත්තා)ට අධිකරණය නියෝග කර ඇත්තේ වින්දිත පාර්ශ්වය අතර ආරවුල් ඇති කිරීම, විවාහය දෙදරා යාමට හේතු වූ කරුණු ඇති කිරීමේ චෝදනා මත රුපියල් ලක්ෂ 5ක වන්දියක් ගෙවිය යුතු බවයි.
ඒ අනුව, පැමිණිලිකරු සමග අනාචාරයේ යෙදීමෙන් සම විත්තිකරුට ඇති වූ සහයෝගීතාව අහිමි වීම හේතුවෙන් පැමිණිලිකරුගෙන් දික්කසාදය ඉල්ලීමක් නොකර සම විත්තිකරුට එරෙහිව අලාභයක් ගොනු කිරීමට විත්තිකරුට අයිතියක් ඇති බව ශ්රේෂ්ඨාධිකරණය තීන්දු කර තිබෙනවා.
මෙම නඩුවේ දී, ස්වාමිපුරුෂයා ‘ද්වේශ සහගත ලෙස හැරයාමේ’ පදනම මත බිරිඳ දික්කසාදය ඉල්ලා සිටිය ද විවාහය දෙදරා ගොස් ඇත්තේ හැරයාම නිසා නොව බිරිඳගේ සහ විත්තිකරුගේ සල්ලාල හැසිරීම නිසා බවයි සනාථ වූයේ.
මෙරට අධිකරණ පද්ධතියේ නීතිය තුළ අනාචාරය දණ්ඩනීය වරදක් නොවන බවත් කාම මිථ්යාචාරය දික්කසාද වීමට හේතුවක් වන අතර අගතියට පත් කාලත්රයා සම – විත්තිකරුට එරෙහිව අලාභ ඉල්ලා සිටිය හැකි බව ද ශ්රේෂ්ඨාධිකරණය පෙන්වාදුන්නා.
wpDiscuz
