තමන්ට නියම වී ඇති වසර තුනක සිර දඬුවමින් තමන්ව නිදොස් කොට නිදහස් කරන ලෙස ඉල්ලා හිටපු පාර්ලිමේන්තු මන්ත්‍රීනි හිරුණිකා ප්‍රේමචන්ද්‍ර විසින් අභියාචනයක් ඉදිරිපත් කර තිබෙනවා.
මෙම අභියාචනා පෙත්සම අභියාචනාධිකරණය වෙත යොමු කිරීම සඳහා කොළඹ මහාධිකරණයට භාර දී තිබෙනවා.
එම තීන්දුවට එරෙහි ව අභියාචනයක් ඉදිරිපත් කර ඇති නිසා තමන්ව ඇප මත මුදාහරින ලෙසත් හිරුණිකා ප්‍රේමචන්ද්‍ර මහත්මිය විසින් කොළඹ මහාධිකරණය හමුවේ ඉල්ලීමක් කර තිබෙනවා.
එම ඉල්ලීම මේ මස 4 වන දා කොළඹ මහාධිකරණ විනිසුරු අමල් රණරාජා මහතා ඉදිරියේ සලකා බැලීටම නියමිතයි.
2015 වසරේ දී දෙමටගොඩ පිහිටි වෙළෙඳසැලක සේවය කළ තරුණයෙකු ඩිෆෙන්ඩර් රථයකින් පැහැරගෙන ගොස් වද හිංසා පමුණුවීම, බලහත්කාරයෙන් රඳවා තබා ගැනීම, තර්ජනය සහ බිය ගැන්වීම ආදී චෝදනා 18ක් යටතේ අධිකරණය හමුවේ හිටපු මන්ත්‍රිනී හිරුණිකා අධිකරණයෙන් වරදකරුවෙකු බවට තීරණය කළා.
එම සිදුවීමට අදාළවයි හිරුණිකාව තුන් වසරකට බරපතළ වැඩ සහිත ව සිරගත කරනු ලැබුවේ.
wpDiscuz
