මේ වන විට ලෝක තෙල් වෙළෙඳ පොළේ තෙල් බැරලයක මිල ඇමරිකානු ඩොලර් 62 ක් වන බවත් තවමත් ආණ්ඩුව තෙල් විකුනන්නෙ පාඩුවට නොවන බවයි ආනන්ද පාලිත මහතා හෙළිදරව් කරන්නේ.
තෙල් ගන්නා තැන සිට වරාය දක්වා ගෙන ඒමට ඔක්ටේන් 92 ලීටරයක තවමත් වැය වන්නේ රු. 82.25 ක් බවයි ආනන්ද මහතා පෙන්වා දෙන්නේ.
ඔක්ටේන් 92 ලීටරයකට යන්නේ රු.94 යි
එතැන් සිට පිරවුම්හල දක්වා ගෙන යාමට ලීටරයක් සඳහා යන සමස්ත රු. 94.25ක් බවයි ආනන්ද මහතා සඳහන් කරන්නේ.
මේ කරුණු හෙළිදරව් කරන ආනන්ද පාලිත මහතා කලක් ලංකා ඛනිජ තෙල් සංස්ථාවේ සේවය කළ එක්සත් ජාතික පක්ෂයට අනුබද්ධිත ජාතික සේවක සංගමයේ කැදවුම්කරු වේ.
වැඩි කිරීමට පෙරත් රු. 42කක් ලබයි
ඒ අනුව බලද්දී මිල වැඩි කිරීමට පෙර රු.137 ට ඔක්ටේන් 92 පෙට්රල් ලීටරයක් ලබා දීමේදී ආණ්ඩුවට රු.42 ක පමණ ලාභයක් තිබූ බවත් දැන් රු.20 කින් එය වැඩි කළ පසු රු. 62 ක ලාභයක් දක්වා එය වැඩි වන බව ද පෙන්වා දෙනවා.
වත්මන් ආණ්ඩුව බලයට පැමිණි අවස්ථාවේ සිට මෑතක් වන තුරුම ලෝක වෙළෙඳ පොළේ තෙල් බැරලයක් තිබුණේ ඇමරිකානු ඩොලර් 25 ක බවයි ආනන්ද මහතා වැඩිදුරටත් සඳහන් වැඩි දුරටත් සඳහන් කරන්නේ.
තෙල් මිල ඉහළ ගියේ මේ මෑතකදී
එය ඇමරිකානු ඩොලර් 62 දක්වා ඉහළ ගියේ මේ මෑතකදී බවද ආනන්ද මහතා පෙන්වා දෙනවා.
ආනන්ද පාලිත මහතා හෙළිදරව් කළ මෙම කරුණු ඊයේ (12) හිරු ප්රවෘත්ති ඔස්සේ විකාශය වුණා.
විශේෂයෙන්ම මෝටර් රථ ත්රී රෝද රථ හා මෝටර් සයිකල් සඳහා පාවිච්චි කරන්නේ ඔක්ටේන් 92 වර්ගයේ පෙට්රල්ය
