තෙල් අඩු වුනත් ගාස්තුවල වෙනසක් නැහැ – ත්‍රීරෝද රථ සංගම් (වීඩියෝ)

ඉන්ධන මිලේ සංශෝධනයක් සිදුවුව ද ත්‍රිරෝද රථ ගාස්තුවල වෙනසක් සිදු නොකරන බව ත්‍රීරෝද රථ සංගම් පවසනවා.

සමස්ත ලංකා ත්‍රී රෝද රථ රියදුරන්ගේ සංගමයේ සභාපති සුදිල් ජයරුක් මාධ්‍ය වෙත අදහස් දක්වමින් අද (01) මේ බවසඳහන් කළා.

එහිදී වැඩිදුරටත් අදහස් දැක්වූ සභාපතිවරයා පැවසුවේ පෙට්‍රල් ලීටරයක මිල රුපියල් 300 සීමාව දක්වා අඩුවුවහොත් පළවෙනි කිලෝමීටරය සඳහා අයකෙරෙන රුපියල් 100ක ගාස්තුව රුපියල් 80ක් දක්වා අඩුකළ හැකි බවයි.

ඊයේ (31) මධ්‍යම රාත්‍රියේ සිට ක්‍රියාත්මකවන පරිදි ඔක්ටේන් 92 පෙට්‍ර්ල් ලීටරයක මිල රුපියල් 12කින් අඩුකල අතර එහින් නව මිල රුපියල් 332ක් ලෙස දැක්වෙනවා.

ඊට අමතරව ඔක්ටේන් 95 පෙට්‍ර්ල් ලීටරයක මිල රුපියල් දෙකකින් අඩුකල අතර, එහි නව මිල දැක්වෙන්නේ රුපියල් 377ක් ලෙසටයි.