ඩොක්ටර් නැන්දි කැමතිනම් විතරක් ඊළඟ ආත්මේ මගේ අම්මා වෙන්න

පවුලේ කෙනෙකුට සුවකරන්න අපහසු ලෙඩක් හැදුනොත් ඒ පවුලම කොයි තරම් අසරණ වෙනවද..?පිළිකා රෝගය කියන්නෙත් ඒ විදිහට ජීවිත අසරණ කරන ලෙඩක්. අපි මේ කියන්න යන්නේ අපේක්ෂා රෝහල පැත්තෙන් අහන්න ලැබුණු සංවේදී කතාවක් ගැනයි.

පුංචි දරුවෙක් අපේක්ෂා රෝහලේ සේවය කරන වෛද්‍යවරියකට ලියපු සංවේදී ලිපියක් තමයි මේ..

ෂර්මිලා Doctor නැන්දි,

මම මට ලැබුණු  දෙළුම් ගෙඩියක්  Doctor නැන්දිට අවුරුද්දට දෙන්න තියාගෙන හිටියා.

 Doctor නැන්දිට අවුරුද්දට ගොඩක් තෑගි හම්බෙයි නේද..?

මම ලොකු වුණාම රස්සාවක් කරලා තෑගි ගොඩක් අරගෙන  Doctor නැන්දි බලන්න එනවාමයි.

මම ගොඩක් ආදරෙයි.

අවුරුද්ද දවසට මාව බලන්න එනවද..?

මං බලාගෙන ඉන්නවා  Doctor නැන්දි එනකන් යාළුවොත් එක්ක.

අපිට ගෙදර යන්න බෑනේ  Doctor නැන්දි.  අවුරුද්ද දවසටත් බෙහෙත් කරන්න එනවද..?

සුබ අලුත් අවුරුද්දක් වේවා  Doctor නැන්දි.

ඊළඟ ආත්මෙ  Doctor නැන්දි කැමති නම් විතරක් මගේ අම්මා වෙන්න.

සනුලි.

මේ ලිපියට පිළිතුරු දෙමින් වෛද්‍යවරිය සිය මුහුණුපොතේ මෙලෙස සටහනක් තබා තිබුණා.

ආදරෙත් අරගෙන අවුරුද්ද දවසෙත් ඔයාව බලන්න  Doctor නැන්දි එන්නම් සනුලි..

පරිස්සමට ඉන්න මම එනකල්…

සනුලි යැවූ ලිපිය සහ වෛද්‍යවරියගේ සටහන පහතින්…