ඉන්ධන අර්බුදය මේ දිනවල හැමෝම කතාබහ වෙන මාතෘකාවක් බවට පත්ව තිබේ.
එම ගැටලුවට විකල්ප විසඳුමක් ඉදිරිපත් කිරීමට අනුරාධපුරයේ වෛද්යවරයෙකුට හැකිවී ඇත.
අනුරාධපුර ශික්ෂණ රෝහලේ අධ්යක්ෂ වෛද්ය දුලාන් සමරවීර මහතා කලක සිට ජෛව ඉන්ධන සම්බන්ධයෙන් පර්යේෂණ කරන අයෙකි.
දේශීයව සපයාගත හැකි තෙල් එඬරු සහ වැට එඬරු බීජ මඟින් ජෛව ඩීසල් නිෂ්පාදනය සාර්ථකව සිදුකළ හැකි බවට ඔහු සිය පර්යේෂණ මඟින් මේ වනවිට තහවුරු කර තිබේ.
එඬරු බීජයේ බරින් 50% – 60% අතර ප්රමාණයක් තෙල් පැවතීම ජෛව ඩීසල් නිෂ්පාදනයට ප්රධාන සාධකය වී තිබේ.
මේ පිළිබඳ අදහස් දැක්වූ වෛද්ය දුලාන් සමරවීර මහතා,
“දැන් BIO ඩීසල් හැදෙනකොට මිශ්රණයෙන් ග්ලිසරින් යටට බැහැලා ඒක යට තැන්පත් වෙනවා. උඩට මතුවෙනවා BIO ඩීසල්. පස්සේ ඒක ටික ටික පැහැදිලි වෙනවා. BIO ඩීසල් එක උඩ වෙන්වෙලා තියෙන්නේ.”
මෙම නිෂ්පාදනයේ සාර්ථකත්වය ඔහු සනාථ කරන්නේ ට්රැක්ටර් රථයක් ජෛව ඩීසල් ආධාරයෙන් ක්රියාත්මක කරමිනි.
“විශේෂයෙන්ම දැනට තියෙන ඩීසල් හිඟතාවය ඇතුළු ඒ ප්රශ්න නිසා ජෛව කාබනික ඩීසල් කියන මේ ඉන්ධනය මම නිෂ්පාදනය කළා. එම පරීක්ෂණවලින් 2007 වර්ෂයේ දී පෙන්වලා දුන්නා ලංකාවේ තියෙනවා වැට එඬෙරු සහ තෙල් එඬෙරු කියලා ශාක වර්ග දෙකක්. අපේ දුම්රිය මාර්ග දෙපස මේ ශාක වැවුවොත් ඒවායේ ඵලවලින් ගන්න තෙල්වලින් අපිට සම්පූර්ණ දුම්රිය ධාවනය කරන්න පුළුවන්. මේ ජෛව කාබනික ඩීසල්වලින්. සාමාන්ය ඩීසල් සමග සංසන්දනය කරාම පිටවන කාබන්ඩයොක්සයිඩ් ප්රමාණය 30%කින් ද කාබන් මොනොක්සයිඩ් ප්රමාණය 20%කින් ද අඩු වෙනවා. ඒ වගේම කාබන් අංශු නිකුත් වීම 20%කින් අඩුවෙනවා. පරිසර හානිය බොහෝ විට අඩුවෙනවා මේ ජෛව කාබනික ඩීසල් භාවිතයෙන්.”
