සිය නම ඩයනා ගමගේ ලෙස නීත්‍යානුකූලව සංශෝධනය කර නොතිබිය දී; ඩයනා ගමගේ ලෙස ජාතික හැඳුනුම්පත ලබාගැනීමට කූඨ ලේඛන ඉදිරිපත් කර පුද්ගලයින් ලියාපදිංචි කිරීමේ දෙපාර්තමේන්තුවේ ජනරාල්වරයා ඇතුළු නිලධාරීන් රැවටීම ඇතුළු චෝදනා තුනක් යටතේ හිටපු රාජ්‍ය ඇමතිනී ඩයනා ගමගේට පවරා ඇති නඩුවේ සාක්ෂි විභාගය ලබන ජනවාරි 09 වනදා ආරම්භ කිරීමට කොළඹ මහාධිකරණය අද (04) නියෝග කළා.
එම නඩුවට අදාළ නඩු භාණ්ඩ ආරක්ෂා සහිතව සේප්පුවේ තැන්පත්කර තබන ලෙසට ද මෙහිදී මහාධිකරණ විනිසුරුවරයා නඩු භාණ්ඩ භාරකරුට නියෝග කරනු ලැබුවා.
එමෙන්ම පැමිණිල්ලේ සාක්ෂි විභාගයේ දී සාක්ෂි ලබාදීම සඳහා 01,04 සහ 12 යන පැමිණිල්ලේ සාක්ෂිකරුවන්ට අධිකරණය හමුවේ පෙනී සිටින ලෙසට සිතාසි නිකුත් කරනු ලැබුවා.
ඔබේ ප්‍රතිචාරය කුමක්ද ?
+1
+1
+1
+1
+1
+1
+1
