තමාට අයත් රුපියල් මිලියන 10ක් වටිනා පවුම් 06ක් බරැති රන් මුද්දක් සහ ඇමෙරිකානු ඩොලර් පන්දහක් සහ මුදලින් රුපියල් ලක්ෂයක් සොරකම් කිරීම සම්බන්ධයෙන් හිටපු ජනාධිපති මෛත්‍රීපාල සිරිසේනගේ සොහොයුරෙකු වන චමින්ද කපිල සිරිසේන පොළොන්නරුව පොලිසියට පැමිණිල්ලක් සිදුකර තිබෙනවා.
පොළොන්නරුව, ඇතුමල්පිටිය ප්‍රදේශ්යේ පිහිටි නිවසේ දී නිල් මැණික් ඔබ්බන ලද මුදුව සහ මුදල් සොරකම් කර ඇති බවට චමින්ද කපිල සිරිසේන විසින් පෙරේදා (28) දිනයේ දී තම පොලිස් ස්ථානය වෙත මෙම පැමිණිල්ල ලැබුණු බවයි පොළොන්නරුව පොලීසිය සඳහන් කළේ.
මෙම සොරකම කවුරුන් විසින් සිදුකර ඇද්ද යන්න පිළිබඳව මෙතෙක් තහවුරු වී නොමැති බවයි පොලිසිය වැඩිදුරටත් සඳහන් කළේ.
පොළොන්නරුව ජ්‍යෙෂ්ඨ පොලිස් අධිකාරී, නිශාන් ද සිල්වාගේ මෙහෙයවීමෙන්, පොළොන්නරුව සහකාර පොලිස් අධිකාරී චානක ද සිල්වාගේ උපදෙස් මත පොළොන්නරුව මූලස්ථාන පොලිසියේ කණ්ඩායමක් විසින් මේ පිළිබඳව පරීක්ෂණ සිදුකරනු ලබනවා.
wpDiscuz
