ඩකා අගනුවර ප්‍රබල භූකම්පනයක් (වීඩියෝ)

බංග්ලාදේශයේ ඩකා අගනුවර ප්‍රබල භූකම්පනයක් සිදුව තිබෙනවා.

එරට වේලාවෙන් අද (21) පෙරවරු 10:08ට පමණ හටගත් මෙම භූකම්පනයේ ප්‍රබලත්වය රික්ටර් මාපකයේ එක්ක 5.5ක් ලෙස සටහන්ව තිබෙනවා.

මෙම භූකම්පනය කිලෝමීටර් 10ක් ගැඹුරින් සිදුව ඇති අතර, ඉන්දියාවේ කොල්කටා, බටහිර බෙංගාලයේ සහ ඊසානදිග ඉන්දියාවේ අනෙකුත් ප්‍රදේශවලට දැඩි කම්පනක් දැනුණු බවයි එක්සත් ජනපද භූ විද්‍යා සමීක්ෂණ ආයතනය පවසන්නේ.

මේ අතර මෙම භූකම්පනය හේතුවෙන් බංග්ලාදේශ සහ අයර්ලන්ත අතර ඩකා හිදී පැවැත්වෙන ටෙස්ට් ක්‍රිකට් තරගය ද ටික වේලාවකට නතර කිරීමට සිදු වුණා.