අමෙරිකානු ජනාධිපතිවරයා වශයෙන් දෙවැනි වරටත් ධුරයට පත් රිපබ්ලිකන් පාක්ෂික ඩොනල්ඩ් ට්‍රම්ප් හට රුසියානු ජනාධිපති ව්ලොද්මීර් පුටින් සුබ පතා තිබෙනවා.
විදෙස් මාධ්‍ය වාර්තා කර ඇත්තේ ඊශ්‍රායලය, ප්‍රංශය, ඉන්දියාව, ජපානය ආදි ප්‍රබල රාජ්‍ය නායකයින් ට්‍රම්ප්ගේ ජයග්‍රහණයට සුබ පැතුම් එක් කළ ද, මෙතෙක් රුසියානු බලවතාගේ සුබ පැතුම එක් නොවීම කතාබහට ලක් වෙමින් පැවති කාරණයක් බවයි.
අමෙරිකාව සහ රුසියාව අතර දේශපාලනික සහ න්‍යෂ්ටික ශක්තිය පිළිබඳව දිගු කාලයක සිට පවතින නොවිසඳුණු සහ සීතල යුද්ධය මීට හේතු වී තිබෙනවා.
කෙසේවෙතත් CNN මාධ්‍ය වාර්තා කරන පරිදි රුසියානු ජනාධිපතිවරයා පවසා ඇත්තේ තමන් ට්‍රම්ප් ජනාධිපති ධුරයේ දිවුරුම් දෙන තෙක් බලා සිටින බවයි.
ට්‍රම්ප්ගේ අන්තර්ජාතික දේශපාලනික සබඳතා පිළිබඳව තමන් විමසිල්ලෙන් පසුවන බව ද පුටින් පවසා තිබෙනවා.
කෙසේවෙතත් ක්‍රෙම්ලිනය පවසා ඇත්තේ පුටින් හට අමෙරිකාවට සුබ පැතීමට කිසිදු සැලසුමක් හෝ බලාපොරොත්තුවක් නොතිබූ බවයි.
මේ අතර ට්‍රම්ප් සිය ධවල මන්දිරයේ ජනාධිපති කාර්යය මණ්ඩල ප්‍රධානිය ලෙස සුසී විල්ස් පත්කර තිබෙනවා.
ජනාධිපතිවරයා ඔහුගේ ප්‍රචාරක කළමනාකරුවන් දෙදෙනාගෙන් කෙනෙකු වන සුසී විල්ස්
මෙලෙස පත් කර ඇති බවයි පැවසෙන්නේ.
ට්‍රම්ප් ධවල මන්දිරයට පැමිණීමෙන් පසු කරන ලද පළමු පත්කිරීම ද මෙය වනවා.
ජනාධිපතිවරයාගේ කාර්යය මණ්ඩලය ප්‍රධානිය වශයෙන් සුසී විශාල වශයෙන් දේශපාලනික බලපෑමක් එකී යාන්ත්‍රණයට සිදු කරනු ලබන ධුරයක් වන අතර ජනාධිපතිවරයාගේ සෑම රාජකාරි කටයුත්තකට ම වේලාව සහ කාලසටහන සංවිධානය කරන්නේ මෙම තනතුරයි.
67 හැවිරිදි විල්ස් ධවල මන්දිර මාණ්ඩලික ප්‍රධානියා ලෙස සේවය කරන පළමු කාන්තාව වනු ඇති.
“සුසී දැඩි, බුද්ධිමත්, නව්‍ය, සහ විශ්වීය වශයෙන් අගය කරන සහ ගෞරවයට පාත්‍ර වූ තැනැත්තියක්..” ට්‍රම්ප් ප්‍රකාශයක් නිකුත් කරමින් කියා සිටියා.
“ඇය අපේ රට ආඩම්බරයට පත් කරනු ඇති බවට මට සැකයක් නැහැ..” යනුවෙන් ට්‍රම්ප් ඇයට ධුරය ප්‍රදානය කරමින් වැඩිදුරටත් පවසා තිබෙනවා.
