ජාත්යන්තර ක්රිකට් කවුන්සිලයේ නව සභාපතිවරයා ලෙස තේරී පත්වූ ජේ ෂා, අද (01) සිය ධුරය වැඩ ආරම්භ කර තිබෙනවා.
“අයි.සී.සී. සභාපතිවරයාගේ භූමිකාව භාර ගැනීමට ලැබීම මට ගෞරවයක්, අයි.සී.සී. අධ්යක්ෂවරුන්ගේ සහ සාමාජික මණ්ඩලවල සහයෝගය සහ විශ්වාසයට කෘතඥ වෙනවා” යනුවෙන් ෂා සිය පළමු දිනයේ ප්රකාශයක් නිකුත් කරමින් කියා සිටියා.
එමෙන්ම නව සභාපතිවරයා පවසා ඇත්තේ 2028 ලොස් ඇන්ජලීස් ඔලිම්පික් උළෙලට ක්රිකට් ක්රීඩාව එක් කිරීම තම ප්රධාන අරමුණක් බවයි.
ඊට ආමතරව ක්රිකට් ක්රීඩාව ගෝලීය වශයන් තව තවත් ව්යාප්ත කිරීම සහ ආකර්ශනීය කර ගැනීමට කටයුතු කිරීම ද තම අරමුණක් බවයි ජේ ෂා පවසා ඇත්තේ.
මේ වනවිට 36 හැවිරිදි වියේ පසුවන ජේ ෂා සැලකෙන්නේ ජාත්යන්තර ක්රිකට් කවුන්සිලයේ සභාපති ධුරයට පත් ලාබාලතම පුද්ගලයා ලෙසයි.
මෙම තනතුරටපත්වීමට පෙර ඔහු ආසියානු ක්රිකට් කවුන්සිලයේ සභාපති ධුරයේ සහ, 2019 දී ඉන්දී ක්රිකට් පාලක මණ්ඩලයට සම්බන්ධ වෙමින් එහි ලේකම්වරයා ලෙස ද කටයුතු කළා.
2009 දී ගුජරාට් ක්රිකට් සංගමය සමගින් සිය ක්රිකට් පරිපාලන ගමන ආරම්භ කළ ජේ ෂා, ක්රිකට් පරිපාලනය පිළිබඳ පුළුල් අත්දැකීම් සහිත පුද්ගලයෙක් වනවා.
