පසුගියදා ප්රවීණ රංගනවේදී ජැක්සන් ඇන්තනී අනතුරට ලක්වූයේ අලියෙකු මෝටර් රථයේ ගැටීමෙන් යැයි පැවසුවද වනජීවී කාර්යාල තුනක නිලධාරීන් එක්ව කළ විශේෂ මෙහෙයුමකින් පසුවත් එවැනි අලියෙකු ගැන තොරතුරු සොයාගැනීමට නොහැකි වී ඇතැයි අනුරාධපුර වන සත්ත්ව අඩවි ආරක්ෂක නිලධාරි රත්නසිරි පෙරේරා මහතා පසුගියදා පවසා තිබෙනවා.
අනතුරකින් තුවාල ලැබූ අලියකු සිටි නම් එම සත්වයා ගමන්ගත් මාර්ගයක ලේ සලකුණක් හෝ තිබිය යුතු අතර එවැනි කිසිදු සලකුණක් වනජීවී නිලධාරීන්ට හමු නොවී තිබිම බරපතළ ගැටලුවකි.අලියා ගමන්ගත් මාර්ගයත් ගමන්ගෙන තිබෙන්නේ අපහසුතාවකින් ද යන්නත් එවැනි අලියකුට පෑගෙන තණකොළවලින් කිව හැකි නමුත් එවැනි සලකුණක් පවා හමු නොවී යැයි ද පෙරේරා මහතා කීය.
අනතුරින් පසුව එම අලියා රංචුව හැර ගියත් තනිව වැඩි කලක් නොසිටින අතර අනතුරෙන් පසුව මාසයකට අධික කාලයක් ගත වී තිබුණද එසේ නම් නැවත රංචුවට එකතු වී සිටිය යුතු යැයි ද පැවැසීය.
වනජීවී නිලධාරීන් නිරීක්ෂණයට ලක් කළ අලි රංචුවල අනතුරකට ලක් වූ එවැනි අලියකු පිළිබඳ කිසිදු හෝඩුවාවක් ලැබී නොමැත.
එම රථයේ අලියෙකු ගැටුණු බවට ඇත්තේ ඇසින් දුටු සාක්ෂි දෙකක් යැයි ද එවැනි අලියෙකු සිටී දැයි සෙවීමට තවදුරට ත් අඛණ්ඩව මෙහෙයුම් කරන්නේ යැයි ද හෙතෙම පැවසීය
