2012 වසරේ සිට වසර 3ක කාලයක් ‘ජාතිය ගොඩනැඟීමේ බද්ද’ ගෙවීම පැහැර හැරි ප්රකට දේපළ වෙළෙඳාම් සමාගමක් වන ඒ.එම්. හෝල්ඩින් පුද්ගලික සමාගමේ අයිතිකරුවන්ට රුපියල් ලක්ෂ 64කට හිඟ බදු මුදල දඩයක් ලෙස රජයට ගෙවීමට කොළඹ දිසා අධිකරණය අද (24දා) නියෝග කළා.
එම දඩය ගෙවීම පැහැර හැරියහොත් අමතරව මාස 6ක සිරදඬුවමක් අපරාධ නඩු විධිවිධාන සංග්රහයේ 291 වැනි වගන්තිය යටතේ නියම කළ බවයි දසත අධිකරණ වාර්තාකරු පැවසුවේ.
2006 අංක 10 දරණ දේශීය ආදායම් පනතේ 179 (1) වගන්තිය සමඟ කියවිය යුතු 2009 අංක 09 දරණ ජාතිය ගොඩනැඟීමේ පනතේ 8 වැනි වගන්තිය අනුව දේශීය ආදායම් දෙපාර්තමේන්තුව විසින් නඩු පැවරීම සිදු කෙරුණා.
දෙපාර්ශ්වය ඉදිරිපත් කළ කරුණු සලකා බැලීමෙන් පසුව දේශීය ආදායම් දෙපාර්තමේන්තුවට අය විය යුතු රුපියල් 64,43,716.71ක මුදල දඩයක් ලෙස අයකර ගැනීමට විනිසුරුවරයා නියම කළා.
දඩ මුදල් නියම කිරීමෙන් පසු වගඋත්තරකරු වෙනුවෙන් පෙනී සිටි නීතිඥයන් දඩය මාසිකව වාරික ලෙස ගෙවීමට අවසර දෙන ලෙස ඉල්ලා සිටියා.
ඒ අනුව මසකට රුපියල් 2,68,488.19 බැගින් වසර 2ක් තුළ දී දඩය මුළුමනින්ම ගෙවා නිම කිරීමට අධිකරණය අවසර දුන් අතර ජාතිය ගොඩනැඟීමේ බද්ද මේ වන විට ඉවත් කර තිබෙනවා.
පැමිණිලිකාර දේශීය ආදායම් දෙපාර්තමේන්තුව වෙනුවෙන් නීතිඥ දිනේෂ් පෙරේරා පෙනී සිටි අතර වගඋත්තරකරුවන් වෙනුවෙන් නීතිඥ ධනසේන මහතා පෙනී සිටියා.
wpDiscuz
