නව ප්‍රජාතන්ත්‍රවාදී පෙරමුණේ ජාතික ලැයිස්තු මන්ත්‍රී ධුරය සඳහා රවී කරුණානායකගේ නම මැතිවරණ කොමිෂන් සභාව වෙත යවා ඇත්තේ නව ප්‍රජාතන්ත්‍රවාදී පෙරමුණේ පක්ෂවල කිසිදු අනුමැතියකින් තොරව අත්නෝමතික ආකාරයට බව එම පක්ෂයේ නායක හිටපු ජනාධිපති රනිල් වික්‍රමසිංහ එම පෙරමුණේ නියෝජිතයන්ට දැනුම් දී තිබෙනවා.
එම පක්ෂයට හිමි ජාතික ලැයිස්තු මන්ත්‍රී ධුර 02 සම්බන්ධයෙන් තීරණයක් ගැනීම සඳහා එම පෙරමුණේ සියලු පක්ෂ අද (19) පෙරවරුවේ කොළඹ දී රැස්වී තීරණයක් ගැනීමට නියමිතව සිටි බවයි හිටපු ජනාධිපතිවරයා පවසන්නේ.
ජාතික ලැයිස්තු මන්ත්‍රී ධුර සම්බන්ධයෙන් වන තීරණය ගැනීමට පෙර පක්ෂයේ ලේකම්වරිය අත්තනෝමතිකව ක්‍රියා කර තිබෙන බවයි හිටපු ජනාධිපති රනිල් වික්‍රමසිංහ සඳහන් කළේ.
රවී කරුණානායක එක්සත් ජාතික පක්ෂ සාමාජිකයෙක් වන අතර, සාමූහික තීරණයකින් තොරව කටයුතු කිරීමට හැකියාවක් නොමැති බව ද හිටපු ජනාධිපතිවරයා සඳහන් කර තිබෙනවා.
නව ප්‍රජාතන්ත්‍රවාදී පෙරමුණේ සියලු පක්ෂවල නියෝජිතයන් රැස් වී ජාතික ලැයිස්තු මන්ත්‍රී ධුර සම්බන්ධයෙන් විධිමත් තීරණයක් ගැනීමට නියමිතව තිබිය දී මෙලෙස අත්තනෝමතිකව කටයුතු කිරීම අනුමත කළ නොහැකි බවයි ඔහු පවසන්නේ.
පක්ෂ ලේකම්වරිය මැතිවරණ කොමිෂන් සභාව වෙත යොමුකළ බව කියන ලිපිය පහතින්.
wpDiscuz
