ජාත්‍යන්තර මාස්ටර්ස් ලීග් ක්‍රිකට් තරගාවලිය පෙබරවාරි මස 22 සිට මාර්තු මස 16 තෙක් පැවැත්වීමට නියමිතයි.
ක්‍රීඩා මාධ්‍ය වාර්තා කරන්නේ මීට ප්‍රබල කණ්ඩායම් එකතු වී ඇති බවත් එහි ශ්‍රී ලංකා කණ්ඩායමේ නායකත්වය ප්‍රවීණ ක්‍රිකට් ක්‍රීඩක කුමාර් සංගක්කාර හට හිමි ව තිබෙන බවයි.
මෙම තරගාවලියේ සමාරම්භක තරගාවලිය 2025 පෙබරවාරි මාසයේ දී මෙලෙස ආරම්භ වන අතර ඊට ඉන්දියාව, ශ්‍රී ලංකාව, ඔස්ට්‍රෙලියාව, එංගලන්තය, දකුණු අප්‍රිකාව සහ බටහිර ඉන්දීය කොදෙව්වන් එක් වනවා.
තරගාවලිය සඳහා ඉන්දියාව සත්කාරකත්වය දරන අතර තර නවී මුම්බායි හි පටිල් ක්‍රීඩාංගණය, රාජ්කෝට් හි නිරංජන් ක්‍රීඩාංගණය සහ රායිපූර් හි ෂහීඩ් වීර් නාරායන් ජාත්‍යන්තර ක්‍රීඩාංගණයේ දී පැවැත්වෙනු ඇති.
ඉන්දියාවේ නායකත්වය සචින් තෙන්ඩුල්කාර්ටත්, බටහිර ඉන්දීය කොදෙව් නායකත්වය බ්‍රයන් ලාරාටත්, ඕස්ට්‍රේලියාවේ නායකත්වය ෂේන් වොට්සන්ට, එංගලන්තය වෙනුවෙන් ඉයන් මෝගන් සහ දකුණු අප්‍රිකාව ජැක් කලිස්ටත් හිමි ව තිබෙනවා.
