ප්රදේශ රැසකට පවතින අයහපත් කාලගුණය හේතුවෙන් රාජාංගනය, දැදුරුඔය, අංගමුව සහ තබ්බෝව ජලාශවල වාන් දොරටු විවෘත කර ඇති බව වාරිමාර්ග දෙපාර්තමේන්තුව පවසනවා.
රාජාංගනය ජලාශයේ වාන් දොරටු 30න් 08ක් විවෘත කර ඇති බවයි අප වාර්තාකරුවන් ප්රකාශ කළේ. එහි වාන් දොරටු 04ක් අඩි 06 බැගින්, තවත් වාන් දොරටු 02ක් අඩි 04 බැගින් සහ තවත් වාන් දොරටු 02ක් අඩි 02 බැගින් විවෘත කර ඇති බව සඳහන්.
විවෘත කර ඇති වාන් දොරටුවලින් තත්ත්පරයට ජලය ඝන අඩි 10,850ක් කලාඔයට මුදා හරින බව වාරිමාර්ග දෙපාර්තමේන්තුව සඳහන් කරනවා.
දැදුරුඔය ජලාශයේ වාන් දොරටු 05ක් අඩි 04 බැගින් විවෘත කර ඇති අතර එම වාන් දොරටු වලින් තත්ත්පරයට ජලය ඝන අඩි 13,800ක් දැදුරුඔයට මුදා හරින බවයි ජලාශය බාර ඉංජිනේරුවරයා කියාසිටියේ.
අංගමුව ජලාශයේ වාන් දොරටු 02ක් අඩි 06 බැගින් විවෘත කර තිබෙනවා.
එම වාන් දොරටුවලින් තත්පරයට ජලය ඝන අඩි 4100ක් මීඔයට මුදා හැරෙන බව ද වාරිමාර්ග දෙපාර්තමේන්තුව ප්රකාශ කළා.
මේ අතර තබ්බෝව ජලාශයේ වාන් දොරටු 06ක් විවෘත කර ඇත්තේ අඩිය බැගින්.
එම වාන් දොරටුවලින් තත්ත්පරයට ජලය ඝන අඩි 1440ක් මී ඔයට මුදා හැරෙන බව ද වාරිමාර්ග නිලධාරීන් සඳහන් කළා.
රාජාංගනය හා අංගමුව ජලාශ ආශ්රිතව පහත් බිම්වල සිටින ජනතාවට දැඩි අවධානයෙන් සිටින ලෙසටයි රාජාංගනය හා අංගමුව ජලාශ බාර වාරි ඉංජිනේරුවරුන් කියාසිටියේ.
අප වාර්තාකරු සඳහන් කළේ පවතින අයහපත් කාලගුණික තත්ත්වය හේතුවෙන් පුත්තලම දිස්ත්රික්කයේ 1689ක පුද්ගලයින් 6079 දෙනෙකු පීඩාවට පත්ව සිටින බවයි.
පුත්තලම, මුන්දලම, වනාතවිල්ලුව, මහකුඹුක්කඩවල, ආරච්චිකට්ටුව යන ප්රාදේශිය ලේකම් කොට්ඨාසවලට මෙම තත්ත්වය උද්ගත වී තිබෙනවා.
පීඩාවට පත්ව ඇති පිරිස් සදහා සුරක්ෂිත මධ්යස්ථාන 06ක් ස්ථාපනය කර ඇති අතර එම මධ්යස්ථාන වල පවුල් 263ක පුද්ගලයින් 530ක් රඳවා ඇතැයි සඳහන්.
මේ අතර වැසි ජලය කඩිනමින් බැස යාම සදහා දැදුරුඔය, උඩප්පුව, මුතුපන්තිය සහ වෙල්ලමංකරය මෝය කටවල් පුළුල් කිරීම සිදු කර ඇති බව පුත්තලම ආපදා කළමණාකරන ඒකකය ප්රකාශ කළා.
