ජපානයේ බිත්තර මිල 70% කින් ඉහළ යාම හේතුවෙන් ජපාන වැසියන් බිත්තර වෙනුවට ඊට සමාන වෙනත් ආදේශක අහාර වර්ග වෙත වැඩි අවධානයක් යොමු කර තිබෙන බව විදෙස් මාධ්ය වාර්තා පවසනවා.
ජපානය තුල උග්ර ලෙස පැතිර ගිය කුරුළු උණ රෝගය හේතුවෙන් මෙම තත්වය පැන නැග ඇති බවයි ජපාන කෘෂිකාර්මික සමුපකාර සංගම් ජාතික සම්මේලනය සඳහන් කළේ.
කුරුළු උණ වෛරසය හේතුවෙන් ජපානයේ කුකුල් ගොවිපල රැසක කුකුලන් මිලියන 17 ක් විනාශ කර දැමීමට බලධාරීන්ට සිදු වුණා.
ඉන් 9%ක් ම බිත්තර දමන කිකිළියන්.
එහි ප්රතිපලයක් වශයෙන් බිත්තර මෙන්ම බිත්තර ආශ්රිත කෑම වර්ගවල මිල අධික ලෙස ඉහළ ගිය අතර ජපාන වැසියන් හට බිත්තර සුඛෝපභෝගී ආහාරයක් බවට පත් වුණා.
ඒවියන් ඉන්ෆ්ලුවෙන්සා හෙවත් කුරුළු උණ වෛරසය ශත වර්ෂයකට අසන්න කාලයක සිට සත්ව ගොවිපල ආශ්රිතව පැතිර තිබු නමුත් එම වෛරසය පිළිබඳව නිහඬතාවක් මතුව තිබු බැවින් එය රටවල් ගණනාවක සත්ව ගොවිපලවල් ආක්රමණය කර තිබෙන බවයි ජපාන වාර්තා සඳහන් කර ඇත්තේ.
ජපානයේ මධ්යම ප්රමාණයේ බිත්තර කිලෝවක වත්මන් මිල ශ්රී ලංකාවේ මුදලින් රුපියල් 846.72ක් වනවා.
බිත්තර ආශ්රිත අහාර පිළිගන්වන ජපාන අවන්හල් රැසක් ඒවායේ කාර්ය මණ්ඩලය ද අවම කර තිබෙන බවයි වාර්තා වන්නේ.
මේ සමඟම බිත්තර යෙදූ ආහාර මිල ගණන්ද වාර්ාගත ලෙස ඉහළ ගොස් තිබීම කැපී පෙනෙන තත්ත්වයක්.
බිත්තර යොදා සකසන ආහාර වර්ග 15ක අලෙවියද මේවනවිටත් ජපානය තුළ සිදු වන්නේ නැහැ.
ජපානයේ ප්රධාන අවන්හල් 100ක ආහාර ලැයිස්තුවෙන් සියයට 28ක ආහාර වර්ග ඉවත් කර ඇත්තේද බිත්තර හිඟය හේතුවෙන්.
වරින් වර හිස ඔසවන කුරුළු උණ මේවනවිට ජපානයට එල්ල කර ඇත්තේ දැඩි බලපෑමක්. මෙවර එහි විකෘති වෛරසයක් ව්යාප්ත වනවාදැයි විද්යාඥයින් සැක පළ කරනවා.
මේ අතර දේශීය ආහාර සමාගමක් වන 2foods විදෙස් මාධ්ය වෙත පැවසුවේ කැරට් සහ කැනලිනි බෝංචි වැනි එළවළුවලින් සාදන ලද බිත්තර වෙනුවෙන් විකල්පයක් ඇතුළත් නිෂ්පාදන පිළිබඳ වැඩි විමසීම් තමන්ට ලැබී ඇති බවයි.
Ever Egg ලෙසින් නම් කරන ලද, egg-alternative යනු 2foods සහ ජපානයේ ආහාර නිෂ්පාදන දැවැන්තයෙකු වන Kagome අතර සකස් කෙරුණු ඒකාබද්ධ නිෂ්පාදනයක්.
