එය දැනට “ලෙමන් කොමඩු” ලෙසටයි නම්කර ඇත්තේ. ඒ එය වටකුරු සහ ඉස්ම සහිත, කොමඩු මෙන් පැණි රස සහ ලෙමන් වැනි තරමක් ඇඹුල් වීම හේතුවෙන්.
එය බැලූ බැල්මට කොමඩු ගෙඩියක් මෙන් පෙනුන ද පිටත ඉරි නොමැති අතර ඇතුළත සුදු වර්ණයෙන් යුක්ත බව සඳහන්.
නව පළතුර Hokkaido ප්‍රදේශයේ ගොවීන් 5 දෙනෙකු විසින් සීමිත ප්‍රමාණයකින් වගා කරන බවයි විදෙස් මාධ්‍ය වාර්තා කළේ.
ජපන් ටුඩේ පුවත්පතට අනුව, පළතුරු නිපදවූ ජපන් උද්‍යාන විද්‍යා සමාගම වන සන්ටෝරි ෆ්ලවර්ස් පැවසුවේ මෙම පළතුර මුල් අවස්ථාවේදී පිටරටින් ආනයනය කරන ලද කොමඩු වර්ගයකින් බෝ කරන ලද අතර පසුගිය වසර පහ තුළ ඒ සඳහා අත්හදා බැලීම් රැසක් සිදු කළ බවයි.
ලෙමන් සමඟ ප්‍රචාරණය කරන වර්තමාන නිෂ්පාදනය, වගා ක්‍රම සහ අස්වැන්න නෙළන කාලය පිළිබඳ අත්හදා බැලීම් විශාල ප්‍රමාණයක ප්‍රතිඵලයක් වන අතර, ඒවා අලෙවි කිරීම සිදු කරන පළමු අවස්ථාව මෙය ලෙසටයි සැලකෙන්නේ.
මෙම වසරේදී සමාගම ලෙමන් කොමඩු 3,800ක් පමණ වගා කිරීමට අපේක්ෂා කරන අතර එය අගෝස්තු මස අවසානය දක්වා Sapporo සුපිරි වෙළඳසැල්වල අලෙවි කෙරෙනවා.
සුදු ස්ට්‍රෝබෙරි, හතරැස් හැඩැති කොමඩු, ඩෙකොපොන් පැඟිරි, මැන්ඩරින් සහ දොඩම් දෙමුහුන් වර්ගයක් වන රූබි රෝමන් මිදි සහ මියාසාකි අඹ වැනි භාණ්ඩ ඇතුළත් ජපානයේ සුඛෝපභෝගී පලතුරු වෙළඳපොළට නවතම එකතුව මෙයයි.
