ජනාධිපති ලේකම්වරයාට අයත් මෝටර් රථය තලංගම, අකුරේගොඩ ප්රදේශයේ දී යතුරුපැදියක ගැටී අනතුරක් සිදුව තිබෙනවා.
අනතුරින් යතුරුපැදියේ ගමන් කළ එකම පවුලේ සිව්දෙනෙක් තුවාල ලබා රෝහල් ගතකර ඇති අතර, ඔවුන් මව, පියා සහ දරු දෙදෙනා බවයි තොරතුරු වාර්තා වුණේ.
ඔවුන් කොළඹ ජාතික රෝහලේ ප්රතිකාර ලබන බවයි වාර්තා වන්නේ.
පොලිසිය සඳහන් කළේ ඊයේ (02) රාත්රියේ මෙම අනතුර සිදුව ඇති බවයි.
ජනාධිපති ආරක්ෂක කොට්ඨාසයට අනුයුක්ත පොලිස් කොස්තාපල් රියදුරා ජනාධිපති ලේකම්වරයාට අයත් මෝටර් රථය පැලවත්ත, අකුරේගොඩ මාර්ගයේ පදවාගෙන යමින් සිටිය දී ත්රිවිද හමුදා මූලස්ථානය ඉදිරිපිට දී යතුරුපැදියේ ගැටීමෙන් මෙම අනතුර සිදුව ඇති බවයි වාර්තා වුණේ.
අනතුරින් පසුව මෝටර් රථය පැදවූ රියදුරු තලංගම පොලීසිය විසින් අත්අඩංගුවට ගෙන තිබෙනවා.
අනතුරුව ඔහු අධිකරණය වෙත ඉදිරිපත් කිරීමෙන් පසු ඇප මත මුදාහැර ඇති අතර, අනතුරට ලක්වූ රථය පොලිස් භාරයට ගෙන ඇති බවයි වාර්තා වුණේ.
අනතුර සිදුවන අවස්ථාවේ දී ජනාධිපති ලේකම්වරයා මෝටර් රථයේ සිට නැහැ.
