ජනාධිපති රනිල් වික්‍රමසිංහ සහ සිංගප්පූරු ආරක්ෂක අමාත්‍යවරයා අතර හමුවක්

සිංගප්පූරුවේ දෙදින නිල සංචාරයක නිරත ජනාධිපති රනිල් වික්‍රමසිංහ එරට ආරක්ෂක අමාත්‍ය ආචාර්ය එන් එන්ග් හෙන් (Dr. Ng Eng Hen) හමු වී තිබෙනවා.

මෙම හමුවේ දී භූ දේශපාලනික වර්ධනයන් සහ කුඩා සමුද්‍රීය රටවල් සඳහා කලාපීය ස්ථාවරත්වයේ වැදගත්කම පිළිබඳව සාකච්ඡා කළ බවයි ජනාධිපති මාධ්‍ය අංශය නිවේදනය කළේ.

මේ අතර ජනාධිපතිවරයා අද (21) දහවල් එරට ජනාධිපතිනිය වන හලිමා යාකොබ් හමුවුණා.