අනුරාධපුර , තලාව ප්රාදේශීය ලේකම් කොට්ඨාසයට නිරන්තරව ඇතිවන අලි මිනිස් ගැටුමට විසඳුම් ලබා දෙමින් දැඩි ලෙස වන අලි තර්ජනයට මුහුණ දෙන ශ්රාවස්තිපුර – කොඩිගල රක්ෂිත ප්රදේශය ආවරණය කරමින් තල් සහ දෙහි ගස්වලින් සමන්විත ජීව වැටක් ස්ථාපිත කිරීම අද (29) පෙරවරුවේදී අනුරාධපුර දිස්ත්රික් ලේකම් රංජිත් විමලසූරියගේ ප්රධානත්වයෙන් ආරම්භ වුණා.
කොඩිගල ගම්මානේ ජනතාව, රාජ්ය සහ රාජ්ය නොවන සංවිධානවල පිරිසකගේ එකමුතුවෙන් මෙම වැඩපිළිවෙල ආරම්භ වී තිබෙනවා.
කොඩිගල රක්ෂිතයේ සිට ඒ වටා ඇති ගම්මාන වෙත වන අලින් ගම්වැදීම වැළැක්වීම සඳහා කිලෝ මීටර් පහක පමණ දුර ප්රමාණයක් ආවරණය වන ලෙස තල් ගස් දහසක් සහ දෙහි පැළ පන්සියයක් සිටුවීම අද දින මෙලෙස ආරම්භ කෙරුණා.
මෙම අවස්ථාවට එක්වෙමින් දිස්ත්රික් ලේකම්වරයා කියා සිටියේ අලි මිනිස් ගැටුම අවම කිරීම සඳහා ජනාධිපතිවරයාගේ උපදෙස් මත දිස්ත්රික්කයට ගැලපෙන පරිදි සැලැස්මක් නිර්මාණය කිරීමට කටයුතු කළ බවත් ඒ අනුව මෙම ජීව වැට නිර්මාණය කිරිම ආරම්භ කළ අතර ගම්වාසීන්ගේ ජීවිත ආරක්ෂා කර ගනිමින් වනලින් ද ආරක්ෂා කිරීම රජයේ වගකීම බවයි.
