ජනතාවට ඉඩම් සහ නිවාස අයිතිය ලබා දෙමින් තම ආණ්ඩුව කළේ කිසිවෙකුටත් ඉටු කර ගත නොහැකි වූ විප්ලවයක් බව ජනාධිපති රනිල් වික්රමසිංහ මහතා පවසනවා.
ජනපතිවරයා මේ බව කියා සිටියේ ”රන්දොර” උරුමය සින්නක්කර නිවාස හිමිකම් ඔප්පු ප්රදානය කිරීමේ ජාතික වැඩසටහනට එක්වෙමින්.
කොළඹ නගරයේ මහල් නිවාසවල ජීවත්වන අඩු ආදායම්ලාභී පවුල් 50,000කට “රන්දොර උරුමය” ජාතික වැඩසටහන කොළඹ සුගතදාස ගෘහස්ත ක්රීඩාංගණයේ දී ඊයේ (17) පැවැත්වුණේ ජනාධිපති රනිල් වික්රමසිංහ මහතාගේ ප්රධානත්වයෙන්.
මෙහි පළමු අදියර යටතේ නාගරික සංවර්ධන අධිකාරිය යටතේ ඇති නිවාස 937 ක් හා ජාතික නිවාස සංවර්ධන අධිකාරිය යටතේ ඇති නිවාස 180 ක් ඇතුළු හිමිකම් ඔප්පු 1117ක් ප්රදානය කිරීම සංකේතවත්ව සිදු කෙරුණා.
ඒ අනුව නාගරික සංවර්ධන අධිකාරියට අයත් මිහිඳු සෙත්පුර, සිරිසර උයන, මෙට්ට්රෝ නිවාස සංකීර්ණවල නිවැසියන්ට හා ජාතික නිවාස සංවර්ධන අධිකාරිය යටතේ ඇති, මහල් නිවාස 31 නිවැසියන්ට මෙම “රන්දොර උරුමය” හිමිකම් ඔප්පු ලබාදීමට නියමිතයි.
