මාධ්යවේදී චමුදිත සමරවික්රම මහතාගේ පිළියන්දල නිවසට ගල් සහ අසූචි ප්රහාරයක් එල්ල කිරීම සම්බන්ධයෙන් ප්රකාශයක් ලබා ගැනීම සඳහා කිරුළ අහිමි වූ ශ්රී ලංකා විවාහක රූ රැජිණ පුෂ්පිකා ද සිල්වා මහත්මිය පිළියන්දල පොලිසිය වෙත කැඳවා තිබේ.
ගොසිප් ලංකා නිව්ස් අප කල විමසුමකදී පිළියන්දල පොලිස් ස්ථානාධිපතිවරයා සඳහන් කළේ, හෙට (පෙබ. 23) පෙ.ව. 10.00ට පොලිසිය හමුවට පැමිණෙන ලෙස ඇයට දන්වා ඇති බව ය.
සිද්ධිය සම්බන්ධයෙන් ඇය දන්නා තොරතුරු ඇතොත් එහිදී ලබා ගැනීමට අපේක්ෂා කරන බව පොලිස් ස්ථානාධිපතිවරයා වැඩිදුරට ත් පැවසීය.
මෙහිදි අප පුෂ්පිකා ද සිල්වා මහත්මියගෙන් මේ පිළිබද විමසුවිට ඇය පැවසුමේ මේ සමබන්දව මෙතෙක් ඇය දැනුවත් නැති බවයි.
හිටපු ශ්රී ලංකා විවාහක රූ රැජිණ පුෂ්පිකා ද සිල්වා මහත්මිය ම, චමුදිත සමරවික්රම මහතා විසින් මෙහෙයවනු ලබන යූ ටියුබ් සම්මුඛ සාකච්ඡාවකට පසුගිය දා සහභාගී වී තිබුණු අතර එහිදී ඇය ඇතැම් ආන්දෝලනාත්මක කරුණු ඉදිරිපත් කර තිබුණු බවට සමාජ මාධ්යවල අදහස් පළ විය.
මේ අතර, සිද්ධිය සම්බන්ධයෙන් ප්රකාශයක් ලබා ගැනීම සඳහා අපේ ජන බල පක්ෂයේ සභාපති සමන්ත ප්රසන්න පෙරේරා මහතා ද පෙබ. 18 වන දා පිළියන්දල පොලිසියට කැඳවා තිබිණි.
මාධ්යවේදී චමුදිත මහතා පදිංචි පිළියන්දල පිහිටි නිවසට පෙබරවාරි 14 වන දා අලුයම ගල් සහ අසූචි ප්රහාර එල්ල කර තිබිණි.
