සංචාරක ශ්රී ලංකා කණ්ඩායම සහ ඉන්දියාව අතර තරග තුනකින් සමන්විත එක්දින තරගාවලියේ අවසන් තරගයේ කාසිය වාසිය හිමිකර ගැනීමට ඉන්දීය නායකයා සමත් වුණා.
ඒ, අනුව ඔහු තීරණය කළේ පළමුව පන්දුවට පහරදීමටයි.
ඉන්දියාවේ කේරළයේ තිරුවානන්තපුරහි ග්රීන්ෆීල්ඩ් ක්රීඩාංගණයේ දී අද තරගය පැවැත්වෙනවා.
තරගාවලියේ පළමු තරග දෙක ජයගෙන සිටින ඉන්දියාව මේ වනවිට තරගාවලිය ජයගෙන අවසන්.
පරාජයේ අවමානයෙන් ගැලවී ගෞරවය රැකගැනීමට නම් ශ්රී ලංකා පිළට අද තරගය ජය ගැනීම අනිවාර්ය වනවා.
මේ අතර අද තරගයේ දී ශ්රී ලංකා කණ්ඩායමේ වෙනස්කම් දෙකක් සිදුව තිබෙනවා.
ඒ, අනුව ධනංජය ද සිල්වා සහ දුනිත් වෙල්ලාලගේ වෙනුවට අශේන් බණ්ඩාර සහ ජෙෆ්රි වැන්ඩර්සේ අද තරගය සඳහන් කැඳවා ඇති බව සඳහන්.
එමෙන්ම ඉන්දීය කණ්ඩායමේ ද වෙනස්කම් දෙකක් සිදුකර ඇති අතර, දෙවන තරගය සඳහා ක්රීඩා කළ උම්රාන් මලික් සහ හර්දික් පාණ්ඩ්යා අද තරගයට එක් වන්නේ නැහැ.
ඔවුන් දෙදෙනා වෙනුවට වොෂින්ටන් සුන්දර් සහ සූර්ය කුමාර් යාදෙව් කණ්ඩායමට කැඳවා තිබෙනවා.
