ගොඩකවෙල නගරය පිටුපසින් ගලා බසිනා දොඹකොළ ඇලට වැටී ඊයේ (12) පස්වරුවේ පුද්ගලයෙක් ජීවිතක්ෂයට පත්ව තිබෙනවා.
අප වාර්තාකරු සඳහන් කළේ රත්නපුර දිස්ත්‍රික්කයට පවතින අධික වර්ෂාව හේතුවෙන් එම ඇලේ ජල මට්ටම ද මේ දිනවල ඉහළ ගොස් ඇති බවයි.
වයස අවුරුදු 27ක පුද්ගලයෙක් මෙලෙස ජීවිතක්ෂයට පත්ව ඇති අතර,ඔහු ගොඩකවෙල, මල්වත්ත ප්‍රදේශයේ පදිංචිව සිටි අයෙක්.
ඇලේ ජල මට්ටම ඉහළ ගොස් තිබූ අවස්ථාවේ මෙම පුද්ගලයා ඇල මාර්ගය හරහා ඇති තාවකාලික පාලමක් මතින් ගමන් කිරීමට යාමේ දී ඇලට වැටී ගසාගෙන ගොස් අතුරුදන්ව තිබෙනවා.
එලෙස අතරුදන්ව වූ පුද්ගලයාගේ මළ සිරුර කිලෝමීටරයක් පමණ දුරට ගසාගෙන ගොස් තිබිය දී අද (13) පෙරවරුවේ සොයාගෙන ඇති බවයි වාර්තා වුණේ.
ඔබේ ප්‍රතිචාරය කුමක්ද ?
+1
+1
+1
+1
+1
1
+1
+1
