මගී ප්‍රවාහන බස් රථවලට සතියක කාලයක් සඳහා ලබාදෙන ඉන්ධන ප්‍රමාණය ලීටර් 60ත් – 360ත් අතර වූ පරාසයක් තුළ ලබාදීමට කටයුතු කරන බව ජාතික ගමනාගමන කොමිසමේ සභාපති පී.ඒ.චන්ද්‍රපාල පවසනවා.
ප්‍රවාහන අමාත්‍යාංශයේ අද (16) පැවැති ප්‍රවෘත්ති මාධ්‍ය හමුවක දී සභාපතිවරයා මේ බව සඳහන් කළා.
මෙහිදී සභාපතිවරයා සඳහන් කළේ බස් රථ ධාවනය කරන දුර ප්‍රමාණය මත ඉන්ධන ප්‍රමාණය තීරණ කරන බවයි.
මේ අතර නියමිත ක්‍රමවේදය සකස් තෙක් ලංකා ගමනා ගමන මණ්ඩලයෙන් පුද්ගලික බස් රථවලට අවශ්‍ය ඉන්ධන ලබාදෙන බව සභාපතිවරයා වැඩිදුරටත් පැවසුවා.
මෙහිදී අදහස් දැක්වූ ශ්‍රී ලංකා ගමනා ගමන මණ්ඩලයේ සභාපති සජීව නන්දන සඳහන් කළේ ලංකා මනා ගමන මණ්ඩලය සතුව දිවයින පුරා ඇති ඩිපෝ 103ක් මඟින් පුද්ගලික බස් රථවලට අවශ්‍ය ඉන්ධන නිකුත් කරන බවයි.
