සියලු පාසල් ආවරණය වන පරිදි මානව සහ භෞතික සම්පත් බෙදීයාම සහතික වන ලෙස ඩිජිටල් ඉගෙනුම් ක්රමවේද හඳුන්වා දිය යුතු බව අග්රාමාත්ය ආචාර්ය හරිනි අමරසූරිය පවසනවා.
අමාත්ය මණ්ඩල තීරණයකින් පත් කරන ලද ඩිජිටල් අධ්යාපනය පරිවර්තනය, 6-13 ශ්රේණි සඳහා වන කාර්ය සාධක බලකාය සහ අධ්යාපන, උසස් අධ්යාපන සහ වෘත්තීය අධ්යාපන අමාත්ය අග්රාමාත්ය හරිනි අමරසූරිය අතර ඊයේ (20) පැවති සාකච්ඡාවේ දී ඇය මේ බව සඳහන් කළා.
අධ්යාපනයේ ඩිජිටල් පරිවර්තනයක් ඇති කිරීම සහ ඒ ආශ්රිත අභියෝග මෙන්ම අවශ්ය ප්රතිපත්ති ක්රියාත්මක කිරීම පිළිබඳව මෙහිදී සාකච්ඡා වී තිබෙනවා.
ජාතික සහ පළාත් පාසල්වල දැනට පවතින 42,000 ඉක්මවා ඇති ගුරු හිඟය විසඳීම ඉතාමත් කඩිනමින් සිදුකළ යුතු බවත්, ගුරු හිඟයට පිළියමක් ලෙස ඉදිරි මාස 06 තුළ ඉගෙනුම් පරතරය අවම කර ගැනීම සඳහා පවතින සම්පත් උපයෝගී කර ගනිමින් ඩිජිටල් ඉගෙනුම් ක්රම හඳුන්වාදීම කෙරෙහි විශේෂ අවධානයක් යොමු කළ යුතු බවත් ඇය මෙහිදී පවසා සිටියා.
මෙම කාර්ය සාධක බළකායේ නිලධාරීන් වෙනුවෙන් පත්වීම් ලිපි මෙහි දී අග්රාමාත්යවරිය විසින් ප්රදානය කළ අතර, එහි සභාපති ලෙස අග්රාමාත්ය ලේකම් ප්රදීප් සපුතන්ත්රි පත්කර තිබෙනවා.
