අයි.පී.එල් තරගාවලියේ පස්වන තරගය අහමදාබාද් නුවර නරේන්ද්ර මෝදි ක්රීඩාංගණයේ දී මේ වනවිට පැවැත්වෙනවා.
මුම්බායි ඉන්දියන් කණ්ඩායම සහ ගුජරාට් ටයිටන්ස් කණ්ඩායම අතර පැවැත්වෙන මෙම තරගයේ කාසියේ වාසිය දිනූ මුම්බායි ආරාධනයෙන් ගුජරාට් පිළ පළමුව පන්දුවට පහර දුන්නා.
ඒ, අනුව නියමිත පන්දුවාර 20 තුළ ගුජරාට් ටයිටන්ස් කණ්ඩායම කඩුලු 06ක් දැවී ලකුණු 168ක් සිය ලකුණු පුවරුවට එක් කිරීමට සමත් වුණා.
එහිදී නායක ශුබ්මන් ගිල් ලකුණු 31ක් රැස්කළ අතර, සායි සුදර්ශන් ගුජරාට් ඉනිම වෙනුවෙන් ලකුණු 45 රැස් කළා.
මෙම තරගයේ දී මුම්බායි නායක හර්දික් පාණ්ඩ්යා ප්රතිවාදී ගුජරාට් පිතිකරුවන් පාලනය කිරීමට පන්දු යවන්නන් 07 දෙනෙකු යොදවා ගන්නා ආකාරය දැකගත හැකි වුණා.
එහිදී 2022 වසරට පසු යළිත් අයි.පී.එල්. පිටියට පිවිසි ජස්ප්රිත් බුම්රා සිය පන්දුවාර හතර තුළ ලකුණු 14ක් පමණක් ලබාදෙමින් කඩුලු 03ක් බිඳ දැමුවා.
ඒ, අනුව මෙම තරගය ජයගැනීමට මුම්බායි ඉන්දියන් කණ්ඩායමට පන්දු 120ක් තුළ ලකුණු 169ක ඉලක්කයක් හිමිව තිබෙනවා.
