ගිනි ගෙන දැවෙන බටහිර කැනඩාව

මේ වන විට බටහිර කැනඩාවේ ස්ථාන කිහිපයක ලැව්ගිනි 130 කට වැඩි ප්‍රමාණයක් හට ගෙන ඇති බව විදෙස් මාධ්‍ය පවසනවා.

කැනඩාවේ ෆෙඩරල් රජය කියා සිටින්නේ බ්‍රිතාන්‍ය කොලොම්බියා පළාතේ ඇතිව තිබෙන ගින්න මැඩපැවැත්වීම සඳහා හමුදා ගුවන් යානා යවන බවයි.

එමෙන්ම මෙම සතිය මුලදී මිනිසුන්ට ලිටන් ගම්මානයෙන් පලා යාමට සිදුව තිබෙනවා.

ඉකුත් අඟහරුවාදා (29) කැනඩාවේ මෙතෙක් වාර්තා වූ ඉහළම උෂ්ණත්වය 49.6C (121.3F) ක් වශයෙන් සටහන් වුණා.

ලිටන් ගම්මානයට උදාවී ඇති අහිතකර තත්ත්වය ගැන නගරාධිපති ජෑන් පොල්ඩර්මන් පවසා තිබෙන්නේ “මිනිත්තු 15 ක් ඇතුළත මුළු නගරයම ගින්නෙන් දැවී ගිය බවයි.