මෙරටට ගෑස් ගෙන්වීම පමා වී ඇත්තේ අදාළ ඇණවුම් සඳහා නිසි වේලාවට ණයවර ලිපි නිකුත් කිරීම සඳහා ඩොලර් ගෙවීම ප්‍රමාදවීම යැයි ලිට්‍රෝ සමාගමේ සභාපති විජිත හේරත් පැවසීය.
ඔහු ජනතාවගෙන් ඉල්ලා සිටින්නේ අනවශ්‍ය ලෙස පෝලිම්වල නොසිට ඉවසීමෙන් කටයුතු කරන ලෙසයි එමෙන්ම ඩොලර් ප්‍රශ්නය නිරාකරණය කර ගන්නා තුරු ගෑස් ගෙන්වා ගැනීම නිසි පරිදි කරගෙන යෑමට නොහැකි තත්තවයක් මතුව ඇති බවයි.දැනට ගෑස් නෞකාවක් සඳහා මුදල් ගෙවා තිබෙන බැවින් ඉදිරි දින දෙක තුළ එය නිදහස් කර ගෑස් යළි බෙදාහරින බව ද ඒ මහතා කීය. එනිසා යළි දැනුම් දෙන තුරු පෝලිම්වලට නොපැමිණෙන ලෙස ද ඉල්ලා සිටී. ලැබෙන ගෑස් ප්‍රමාණය රටේ සමස්ත අවශ්‍යතාව පිරිමසා ගැනීමට ප්‍රමාණවත් නොවන බව ද සභාපතිවරයා සඳහන් කළේය.
මෙම දුෂ්කර කාල පරිච්ඡේදය නිමවන තුරු ඉවසිලිවන්තව කටයුතු කළ යුතු බව ද ඒ මහතා කියා සිටියේය.
ඔබේ ප්‍රතිචාරය කුමක්ද ?
+1
+1
+1
+1
+1
+1
+1
