ගාල්ල බන්ධනාගාරය තුළ ඊයේ (26) ඇති වූ ගැටුම්කාරී සිද්ධිය සම්බන්ධයෙන් විමර්ශනය කිරීම සඳහා විශේෂ කණ්ඩායමක් පත්කර තිබෙනවා.
සහකාර බන්ධනාගාර අධිකාරිවරයාගේ ප්රධානත්වයෙන් යුත් කණ්ඩායමක් ඒ සඳහා පත්කර ඇති බවයි බන්ධනාගාර මාධ්ය ප්රකාශකවරයා සඳහන් කළේ.
ගාල්ල බන්ධනාගාරයේ ඊයේ (26) පස්වරුවේ රැඳවියන් දෙපිරිසක් අතර හටගත් ගැටුමකින් සිව්දෙනෙකු තුවාල ලබා රෝහල් ගත කළා.
බහින්බස් වීමක් දුරදිග යාමෙන් මෙම ගැටුම හටගෙන ඇති බවයි පොලිසිය සඳහන් කළේ.
මේ වනවිට එම බන්ධනාගාර තුළ රඳවා සිටින ප්රබල අපරාධ කල්ලි සාමාජිකයින් දෙදෙනෙක් වන අහුංගල්ලේ ලොකු පැටී සහ කරන්දෙණිය සුද්දාගේ කණ්ඩායම් අතර මෙම ගැටුම හටගෙන ඇති බවයි තොරතුරු වාර්තා වුණේ.
ගැටුමෙන් පසු එහි ආරක්ෂාව සඳහා පොලිස් විශේෂ කාර්ය බලකා නිලධාරීන් සහ පොලිස් නිලධාරීන් යෙදවීමට කටයුතු කර තිබුණා.
කෙසේ වෙතත් මේ වන විට බන්ධනාගාර කටයුතු සාමාන්ය පරිදි සිදුවන බවයි වාර්තා වුණේ.
