ගවයින් ප්‍රවාහනය කළ ලොරියක් අල්ලයි – එක් ගවයෙකු මිය ගිහිං

නීතිවිරෝධී අයුරින් සහ සත්ත්ව හිංසනය සිදු වන ආකාරයෙන් ගවයින් ප්‍රවාහනය කළ ලොරි රථයක් සහ පුද්ගලයින් සිව්දෙනෙකු අත්අඩංගුවට ගෙන තිබෙනවා.

මිහින්තලය පොලිසිය විසින් මෙම වැටලීම සිදු කරනු ලැබුවා.

පොලිසිය පැවසුවේ ලොරි රථය නවතා සිදු කළ පරීක්ෂාවේ දී එහි පසුපස ආවරණය කරමින් ප්‍රවාහනය කරමින් සිටි මෙම ගවයින් සොයා ගත් බවත්; එම අවස්ථාවේදී ද එක් ගවයෙකු මියගොස් සිටි බවයි.

සෙට්ටිකුලම ප්‍රදේශයේ සිට ගම්පොළ දක්වා ගවයන් ප්‍රවාහනය කළ මෙම ලොරි රථය රඹෑව ප්‍රදේශයේ දීයි අත්අඩංගුවට ගැනුණේ.

ලොරි රථය අත්අඩංගුවට ගත් අවස්ථාවේ දී ගවයන් 25 දෙනෙකු එහි සිට තිබෙනවා.

සැකකරුවන් කහටගස්දිගිලිය හා තිරප්පනය ප්‍රදේශවල පදිංචිකරුවන් වන අතර ඔවුන් හෙට (01) දිනයේදී අනුරාධපුර මහේස්ත්‍රාත් අධිකරණය වෙත ඉදිරිපත් කිරීමට නියමිතයි.